Mehmûd Osman: Girînge ku beşdarî serjimêriyê bibe

PUKMEDIA

Rêveberê Cîbicîkar ê Serjimêriya Giştî ya rûniştvanên Herêma Kurdistanê Mehmûd Osman

Encamdana serjimêriyê bo kurdan gelekî girînge, ji bilî ku budceya Herêmê bê tê diyarkirin, kurdistanîbûna navçeyên nekok jî tên piştrastkirin. Rêveberê cîbicîkerê serjimêriya giştî yê rûniştvanên herêmê dibêje: Li gor biryara dadgeha Federal serjimêrî tenê ji bo pêşketina welat û danîna pilena rast û rêk ji aliyê hikûmetê ve bo pêşerojê hatiye.

Rêveberê Cîbicîkar ê Serjimêriya Giştî ya rûniştvanên Herêma Kurdistanê Mehmûd Osman di hevpeyvînekê de ligel malpera fermî ya Yekîtiya Niştimanî ya Kurdistanê PUKMEDIA ragihand: Encamdana serjimêrî û beşdarbûna çalak a kurdan di vê proseyê de gelekî giring e, ji ber ku dê bûdceya parêzgehan bo Herêma Kurdistanê pê were diyarkirin û ji bo navçeyên nakok kurdbûna wan îsbat bike.

Herwaha Osman got: Di heyama 20 salên borî de çendîn hewl bo pêkanîna serjimêriya giştî li Êraqê hatine kirin, lê her carê ji ber destêwerdanên siyasî û rewşa Êraqê hatiye paşxistin, heta ku Dadgeha Federal di dawiyê de biryara serjimartinê da, di du salên borî de hewldan zêde bûn.

Li gorî biryara Dadgeha Federalî, encamên vê serjimartinê ji bo çareserkirina pirsgirêkan nayê bikaranîn, lê çend armancên wê hene, di nav wan de nifûsa parêzgehan, texmînkirina bûdceya parêzgehê û hejmara kursiyên parlamentoyê, di heman demê de dê ti ziyanek negihe maddeya 140.

Rêveberê Serjimariya Giştî ya Nifûsê got jî: Girîng e gelê Herêma Kurdistanê û kurdên navçeyên nekok beşdarî vê proseyê bin û bersiva wan 70 pirsyarê bidin ku arasteyê wan bûye ji berk u li pişt her pirsiyarek amancek heye li gel wê jî em hewil didin ku di vê pêvajoyê de her metirsî li ser deverên maddeya 140'an bo Wezareta Plandanînê herêmê hatiye şandin û ji Serok komar û Serokwezîrê Êraqê re tê şandin.

Wî got: Di çarçoveya hewlên bo metirsiyên ser madeya 140 me ligel serokwezîrê Êraqî Mihemed Şeya Sûdan gotûbêj kir û me biryar da ku encamên serjimêrî li deverên nakok neyên weşandin, heta ku ew bi serjimêriya sala 1957an re bên berhevkirin.

Mehmûd Osman diyar kir: Zêdetirî 400 milyar dînar ji bo serjimêriya giştî ya nifûs û xaniyan li Êraqê hatiye terxankirin û li Herêma Kurdistanê jî ew prose bi awayekî baş birêve diçe, bi taybet roja 20ê vê mehê û 21ê vê mehê, û bi tîmên me re hevkariyê bikin, ji ber ku serjimêriya zanistî ya rast li Herêma Kurdistanê pirseke giring e.
Serjimêriya giştî ya nifûs û xaniyan li Êraqê di sala 2024an de, yekem serjimêriya nifûsê ye li wî welatî ji sala 1997ê ve û di rojên 20 û 21ê vê mehê de zêdetir ji 120 hezar serjimarî li hemû navçeyên Êraqê beşdar dibin. û zêdetirî 70 pirs ji her malbatê re têne şandin.

PUKMEDIA