Serokwezîrê Iraqê gihîşt Silêmaniyê

Ofîsa Ragihandinê ya Serokwezîrê Iraqê

Serokwezîrê Iraqê û Serokê YNKê

Serokwezîrê Iraqê Mihemed Şîe Sûdanî îro danê êvarê gihîşt firokexaneya navdewletî ya Silêmaniyê û ji aliyê Serokê Yekîtiya Niştimanî ya Kurdistanê (YNK) Bafil Celal Talebanî, Cîgirê Serokwezîrê Herêma Kurdistanê Qubad Talebanî û Dr. Rêheval Ebûbekir, parêzgarê Silêmaniyê û hejmarek ji endamên Mekteba Siyasî ya Yekîtiya Niştimanî ya Kurdistanê (YNK) hat pêşwazî kirin.

Li gorî nûçeya PUKMEDIA'yê, Serokwezîrê Iraqê Mihemed Şîa Sûdanî dê li Silêmaniyê serdana mezara Serok Mam Celal û piştre jî bi Serok Bafil Celal Talebanî li  Dabaşan hevdîtin bike.Di civînê de behsa hilbijartina kabîneya nû, proseya serjimêriya Iraqê, bûdce û mûçeyên xelkê Herêma Kurdistanê û zêdetir pêşxistina peywendiyên navbera YNK û hikûmeta Iraqê bê kirin.

Şêwirmendê Serokê YNKê Bêstûn Fayîq ji PUKMEDIA re ragihand: “Yek ji mijarên herî girîng ên civînê ewe ku serokwezîrê Iraqê Mihemed Şîe Sûdanî careke din ji bo wê postê destnîşan bike, ji ber ku diyar e YNK hêzeke bibandor e. "Piştgiriya Yekîtiya Niştimanî ya Kurdistanê (YNK) ji bo serokwezîrê Iraqê di vî warî de girîng e."

Fayeq her wiha got: “Di civînê de behsa pêkanîna hikûmeta nû, serjimêriya giştî ya Iraqê, mûçe û bûdceya xelkê herêmê û mûçeyên fermanberên herêmê jî tê kirin ku projeya xwe li ser van mijaran heye.''

Serokwezîrê Iraqê Mihemed Şîe Sûdanî îro çarşemî 13.11.2024ê gihîşt Hewlêrê û ji aliyê çend berpirsên Hikûmeta Herêma Kurdistanê ve hat pêşwazîkirin.Îro danê êvarê gihîşt bajarê Silêmaniyê û ji aliyê Serokê Yekîtiya Niştimanî ya Kurdistanê (YNK) û Cîgirê Serokwezîrê Herêma Kurdistanê ve hat pêşwazîkirin.

PUKMEDIA