Peyvdarê YNKê: Partî berpirsê avakirina hikûmetê ne

PUKMEDIA

Civîna Berdevkê YNKê û Konsulê Giştî yê Brîtanyayê

Berdevkê Yekîtiya Niştimanî ya Kurdistanê (YNK) Saadî Ehmed Pîre di hevdîtina gel Konsulê Giştî yê Brîtanya li Herêma Kurdistanê got: "Beşdarbûna berfireh a gelê Kurd di hilbijartinên parlamentoyê de, aliyên siyasî xistiye bin berpirsyariyeke mezin ji bo pêkanîna parlamento û hikûmeteke bi bandor." Konsulê Giştî yê Brîtanya li Herêma Kurdistanê got: “Brîtanya dixwaze hêz û aliyên siyasî bigihin xaleke hevbeş û lezê li pêkanîna hikûmeta nû bikin.’’

Berdevkê Yekîtiya Niştimanî ya Kurdistanê (YNK) Saadî Ehmed Pîra di hevdîtina ligel Konsulê Giştî yê Brîtanya li Herêma Kurdistanê Andrew Beasley û hejmarek dîplomatên konsulxaneyê de ragihand: “Gelê Kurd di hilbijartinan de beşdar bû û aliyên siyasî xistin bin berpirsyariyeke mezin da ku parlamento û hikûmeteke bi bandor ava bikin, bi armanca zêdetir dabînkirina refah, bextewarî û pêşerojeke geş ji bo hemû gelê Kurd.”

“Ev erk dê bi yekrêzî û pêkvejiyan û hestyariya hemû hêz û aliyên siyasî pêk were, ku garantiya paşerojeke geş, aramî û geşbûna siyasî û aborî di hikûmeta paşerojê de ye.’’Wiha got

Ji aliyê xwe ve konsulê giştî yê Brîtanya Andrew Beasley got:’’ Gel û hikûmeta Brîtanya giringiyê didin herêma Kurdistanê û pêgeha wê li herêmê û dixwazin hêz û aliyên siyasî bigehin rêkeftinekê û lezê li pêkanîna hikûmeta nû ya herêma Kurdistanê bikin. Hikûmeta Brîtanyayê di hemû waran de aramî û pêşketina Herêma Kurdistanê dixwaze.”

PUKMEDIA