Serok Wezîrên Êraq`ê dê serdana Hewlêr û Silêmaniyê bike

Kurdistan 10:31 AM - 2024-11-12
Mihemed Şeyah Sûdanî ;Serok Wezîrên Êraq`ê PUKMEDIA

Mihemed Şeyah Sûdanî ;Serok Wezîrên Êraq`ê

Hewlêr Silêmanî Hilbijartin

Mihemed Şeyah Sûdanî ;Serok Wezîrên Êraq`ê sibe roja Çarşemê dê serdana Herêma Kurdistan`ê bike; û derbarê babetên wek mûçe û bûdce, serjimêriya giştî, hinartina neftê û pirsgirêkên din yên di navbera Hewlêr û Bexdayê de yên nehatine çareserkirin gotûbêjan bike.

Çavkaniyekî agahdar ji Bexdayê ku nexwestiye navê xwe eşkere bike, ji malpera fermî ya Yekîtiya Nîştimaniya Kurdistan`ê  (PUKMEDIA ) re ragihand: Biryare Serok Wezîrên Êraq`ê ji bilî hevdîtina bi rayedarên hikûmetê re, dê serdana Silêmaniyê jî bike û digel Bafil Celal Talebanî Serokê Yekîtiya Nîştimaniya Kurdistan`ê (YNK) jî bicive.

Li gor wê çavkaniyê ;tewera serdana Serok Wezîrên Êraq`ê girêdayî gotûbêjkirina babetên sereke yên siyasî û hikûmî yên di navbera Hewlêr û Bexdayê de; bi taybetî pirsa hinartina neftê, pirsgirêka bûdce û mûçe, serjimêriya giştî ya Êraq`ê û çend mijarên din yên di rojevê de.

Mihemed Şeyah Sûdanî dê sibê serdana Hewlêr ya paytexta Herêma Kurdistan`ê bike; û digel berpirsên bilin yên hikûmetê encamên hilbijartina Parlemana Kurdistan`ê, pêkanîna kabîneya nû ya hikûmeta herêmê, û pirsên mûçe û bûdceyê û destpêkirina hinartina neftê gotûbêj bike.

Li gor zanyariyên medyayan ku çend roj in nûçe derbarê wê serdanê tên belavkirin; ku biryare sibê roja Çarşem rêkefta (13-11-2024) Serok Wezîrê Êraq`ê sardana Herêma Kurdistan`ê bike

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket