Dubarebûna kêmasiyên lîsteya mûçeyan

PUKMEDIA

Pereyê iraqî

Berdewamiya pişkinîna lîsteya mûçeyên di navbera Wezareta Darayî ya Hikûmeta Herêmê û Wezareta Darayî ya Federalî her tim pirsgirêkê çêdike û li gor zanyariyên (PUKMEDIA) ev pirsgirêk dibin sedem ku mûçeyên meha 10 ji bo herêmê neyên şandin ji Bexdayê.

Jêderekî nenas ji Komîteya Darayî ya Parlamentoyê ji malpera fermî ya Yekîtiya Niştimani ya Kurdistanê (PUKMEDIA) re tekez kir, ku lîsteyên ku ji Wezareta Darayî ya Hikûmeta Herêmê ji bo mûçeyên meha 10ê bo Wezareta Darayî Federalî hatine şandin û kontrolên Wezareta Darayî ya Federal û Çavdêriya Darayî ya Federal nîşan da ku di wan de pirsgirêk hene û lîsteyan vedigerin herêmê.

El-Mesad diyar kir ku Wezareta Darayî ya Herêma Kurdistanê careke din lîsteyeke nû ya mûçeyan ji Iraqê re şandiye û niha ji aliyê Çavdêriya Darayî ya Federalî ve tê kontrolkirin.

Li gor zanyariyên (PUKMEDIA), malpera fermî ya Yekîtiya Niştimani ya Kurdistanê, eger piştî kontrolkirina lîsteyên ji aliyê Çavdêriya Darayî ya Federalî ve ti pirsgirêkek nû dernekeve, Wezareta Darayî ya Federal dê mûçeyên meha 10ê  bişîne Herêma Kurdistanê.

Jêderê di komîteya darayî ya parlamentoya Kurdistanê de diyar kir: “Ev pirsgirêk  her meh di navbera wezaretên darayî yên herêmê û Iraqê de tên dubarekirin û dibe sedema paşxistina mûçeyên Herêma Kurdistanê.”

Wezareta Darayî ya Federalî dest bi parvekirina mûçeyên meha 11ê li ser karmendan li Iraqê kiriye, lê ji ber paşxistina şandina lîsteyan ji aliyê Herêma Kurdistanê ve, mûçeyê meha 10ê li ser karmendên Herêma Kurdistanê nehatiye parvekirin pirsgirêka berdewam dibe.

PUKMEDIA