Hebûna kurdan di serjimêriya nifûsê de giraniya wan li deverên nekok piştrast dike

PUKMEDIA

Kerkûk

Navçeyên nekok bi taybetî parêzgeha Kerkûkê ji bo gelê Kurd û hemû aliyên siyasî sembola têkoşîna niştimanî ye ji ber wê jî erkê wan partiyan e ku di pêvajoya serjimêriyê de daxwaz ji welatiyên Kurd bikin ku vegerin wan deveran. berpirsê Yekîtiya Niştimanî ya Kurdistanê de tekez dike ku çarenivîsa Kurdan li Kerkûk û navçeyên nekok bi vê serjimêriyê sala 2024 e girêdayî ye.

Endamê xebatkarê Navenda Rêxistina Kerkûkê ya Yekîtiya Niştimanî Fexredîn Mihemed di daxuyaniyekê de ji PUKMEDIA re ragihand: Pêvajoya serjimêriya nifûsa li Êraqê ji bo kurdan li navçeyên nekokbar mijareke pir girîng e ji aliya nexşeya îdarî û siyasî, ji ber ku hebûna welatiyên Kurd li wan deveran giraniya wan piştrast dike.

Fexredîn Mihemed her wiha got: Em ji cîbicîkirina her biryarekê ku di berjewendiya kurdan de ye li wan deveran guman dikin û baştirîn belge jî maddeya 140 ya destûrê ye ku heta niha yek ji wan nehatiye cîbicîkirin, ji ber wê jî di dema serjimêriya giştî de hebûna welatiyên resen ên Kurd li wan deveran girîng e, ji ber ku paşeroja wan deveran girêdayî vê serjimartinê ye.

Derbarê erkên hêzên siyasî yên Kurdistanê derbarê proseya serjimêriya niştecihên Kerkûkê de jî, endamê Navenda Rêkxistinên Kerkûkê wiha got: Pêwîstiya sereke ya hêzên siyasî di rewşa niha de ew e ku daxwaz ji welatiyên Kurd li Kerkûk û navçeyên nekokdar bikin ku li herêmên xwe amade bin û beşdarî serjimêriyê bibin û divê vê pirsê wek navgînek ji bo parastina nasnameya netewî û nîştimanî û rawestandina nekokiyên siyasî bibînin.

PUKMEDIA