Dadgeha Federalî giliyên li ser parêzgarê Kerkûkê red dike

PUKMEDIA

Avahiya Dadgeha Federal

Dadgeha Bilind a Federal a Iraqê 5 giliyên Ereb û Tirkmenan ên li dijî parêzgar û encumena parêzgeha Kerkûkê red kir.

Dadgeha Bilind a Federal a Iraqê îro her 5 giliyên Rakan Cibûrî, Hesen Turan û Sawsan Ebdulwahîd ên li dijî civîna encûmena parêzgeha Kerkûkê li hotêla Reşîd ji bo hilbijartina parêzgar û avakirina encûmena parêzgeha Kerkûkê red kir.

Her wiha du gilî jî li dijî betalkirina biryara komarê ya jimare 83 ya 13-8-2024’an a li ser destnîşankirina Rêbwar Taha weke parêzgarê Kerkûkê tomar kiribûn.

Encumena parêzgeha Kerkûkê ji 13 endaman pêk tê ku Kurd, Ereb, Tirkmen û Xiristiyan jî di nav de ne.
Roja 10.08.2024 encûmena parêzgeha Kerkûkê li otêla Reşîd a Bexdayê civînek li dar xist u têda Serokê Hevpeyîmaniya Kerkûk Hêz û îradeya me ye li para  kurd Rebwar Teha  wek parêzgarê Kerkûkê û Mihemed Hafiz jî wek serokê encûmena parêzgeha Kerkûkê li ser navê ereban hatin hilbijartin.

PUKMEDIA