YNK ji bo pêşxistina zanîngeha Germiyan li Iraqê kar dike

Ajans

Zanîngeha Germian

Yekitiya Niştimanî ya Kurdistanê (YNK) ji bo naskirina zanîngeha Germiyanê li Iraqê kar dike û daxwaz ji Wezareta Xwendina Bilind a Federalî dike ku pirsa naskirina Zanîngeha Germiyanê çareser bike û Karwan Yarwais ragihand:“Serokwezîrê Iraqê ji me re piştrast kir ku dê lêkolînê li ser wê yekê bike.”

Parlamenterê Fraksiyona YNKê li Parlamentoya Iraqê Karwan Yarwais, ku di heman demê de endamê şandê ye, ji malpera fermî ya YNKê PUKMEDIA re ragihand:“Weke şanda YNK’ê di çarçoveya hevdîtina xwe ya li gel Serokwezîrê Iraqê Mihemed Şîa Sûdanî de, me daxwaz ji Wezareta Xwendina Bilind a Federalî kir ku pirsgirêka naskirina Zanîngeha Germiyanê çareser bike.’’

Karwan Yarwais got: “Li hember de jî, serokwezîr piştrast kir ku em dê bişopînin û piştre bi nivîsgeha serokwezîriyê re tekezî li ser temamkirina dosyeya nasandina zanîngeha Germiyanê kir.”

Wî zêde kir:"Zanîngeha Germiyan diyariya Serok Mam Celal bû bo xelkê Germiyanê, weke kêmtirîn berdêl li hember qurbanîdana mezin a xelkê Germiyanê, di heman demê de zanîngeh hemû pêdiviyên zanistî derbas kiriye û di nava baştirîn zanîngehan de ye."

Fraksiyona YNKê pêştir daxwaz ji serokwezîr kiribû ku zanîngehê nas bike.Serokwezîr ji bo çareserkirina pirsgirêkê komîteyek destnîşan kir.Ji bo guftûgokirina hemû daxwazên fraksiyona YNKê, şirîkatiyek ji şêwirmend, ofîsa xwe û nûnerê fraksiyona YNKê pêk anîn.

PUKMEDIA