Yekîtî sozên di kampîna hilbijartinê de bi cih tîne û rijde bo sererastkirina rêbaza rêveberiyê

PUKMEDIA

Logoya Yekîtî

Yekîtiya Niştimanî ya Kurdistanê di kampîna hilbijartinên gera şeşem a Parlamentoya Kurdistanê de diruşma serrastkirina rêbaza desthilatdariyê bilind kir û piştî hilbijartinan jî hewla cîbicîkirina diruşmên xwe dide ji bo jiyaneke birûmet û hêja ji welatiyan re peyda bike. Endamekî Encumena Serkirdayetiyê dibêje ku diruşmên ku ji aliyê Yekîtiya Niştimanî ve hatine bilindkirin ji dilxwaziya wê ya xizmetkirina welatiyan bê cudahî û bêberpirsiyarî ye.

Yekîtiya Niştimanî dirûşmên kampîna hilbijartinê cîbicî dike

Endama Encûmena Serkirdayetiya Yekîtiya Niştimanî Firyal Ebdullah di daxuyaniyekê de ji PUKMEDIA re ragihand:  Diruşma serrastkirina rêbaza desthilatdariyê, dirûşma sereke bû a YNK di kampîna hilbijartinan de, ji ber ku hikûmet ber bi rêyeke şaş ve diçû û nûnertiya berjewendiya malbateke taybet dikir û serokwezîr jî siyaseta herêmê ya cudakariyê di navbera herêman de dimeşand.

Wê got jî: "Yekîtiya Niştimanî tekezî li ser diruşma xwe ya serrastkirina rêbaza hikûmetê dike daku hikûmeta dahatî bibe hikûmeteke dadperwer û xizmetguzarî ku nûneratiya daxwazên girseyan dike.

Endama Encumena Serkirdayetî diyar kir: Yekitiya Niştimanî piştî pêkanîna kabîneya nû ya Hikûmeta Herêma Kurdistanê dê hemû diruşmên xwe cîbicî bike, ji ber ku dengên Yekîtiya Niştimanî %97 zêde bûne, ev yek jî nîşana baweriya xelkê bi Niştimaniya Kurdistanî ye, divê hikûmeta bê ji bo her kesî be û cudahiyê neke navbera parêzgehan û herêman.

Dev ji diruşmeyan bernadin

Ji aliyê xwe ve endamê Encûmena Serkirdayetiya Yekîtiya Niştimanî ya Kurdistanê Xidir Mistefa di daxuyaniyekê de ji PUKMEDIA re ragihand: Bi piştevaniya girseya gel me karî rêjeyeke mezin ji dengan bidest bixin û ev yek jî nîşana baweriya xelkê bi YNK ye. Yekîtiya Niştimanî bi serokatiya Bafil Celal Talebanî wê sozên xwe bi cih bîne û ev yek di civîna mekteba siyasî û encumena serkirdeyetî de hat piştrast kirin.

Xadir Mistefa got jî: Yekîtiya Niştimanî berî her aliyek din zanî ku pêwîstiya serrastkirina rêbaza desthilatdariya Herêma Kurdistanê heye, ji ber ku dûrketina desthilat û hikûmeta herêmê ji rêya xwe ya rast bû sedema lawazbûna herêmê û ji ber kiryarên xirab yên hikûmetê, Yekîtiya Niştîmanî tekez kir ku pêwîste hevsengî vegere û deshilatdariyî bi dawî bîne ji bo peydakirina jiyaneke hêja ji welatiyan re Yekîtî gelek qurbanî dane.

PUKMEDIA