Serok Bafil li dîdara MERI diaxife

Nivîsgeha Ragihandina serokê YNK

Serokê YNK Bafil Celal Talenbanî

 Bafil Celal Talebanî serokê Yekîtiya Niştimanî ya Kurdistanê di duyemîn roja dîdara MERI de gihîşt dîdarê û beşdarî panela (Dînamîkên Siyasî yên Pêşveçûn Li Herêma Kurdistanê: Di Çar Salên Pêşerojê de li hêviya çine?) dike û xwendina siyasî, geşedan û çareseriyan pêşkêş dike. Serok Bafil beşdarî duyemîn roja civîna MERI bû û panelek bi sernavê “Dînamîkên Siyasî yên Pêşveçûn li Herêma Kurdistanê: Di Çar Salên Pêşeroj de li benda cî ne? pêşkêş kir û ragihand Serkirdayetiya niha ya YNK’ê ku 2 sal in li ser desthilatdariyê ye, guhertinên mezin pêk anîn, hevsengiya hêzê sererast kir û ş dawî li desthilata xwesepên anî.

Serok Bafil: YNK di kampîna hilbijartinê de serkeftî bû

Ragihand jî: Em wek YNK di kampîna hilbijartinê de serketî bûn, me bang li welatiyan kir ku werin ser sindoqan û bi awayekî azad dengê xwe bidin di wê de jî serkeftî bûn lê ez di wê baweriyê de me ku her welatek pêdivî bi opozîsyonek bihêze.

Di panelê de Serok Bafil amaje bi wê yekê jî kir ku divê em jîngehekê ava bikin ku partî tê de werin nav hikûmetê û li şûna ku şerm bikin beşdarî hikûmetê bibin.

 Serok Bafil: YNK ji hevrikiyê natirse

Di panelê de Serok Bafil amaje bi wê jî kir: YNK ji hevrikiyê natirse, lê pêwîstiya me hemûyan bi hev heye û divê em rêzê li hev bigirin û rewşekê biafirînin ku li şûna ku şerm bikin beşdarî hikûmetê bibin têkevin hikûmetê û guhartinê bikin û em amade ne bi aliyan re danûstandinan bikin, her çend ne hêsan jî.

Serok Bafil got jî: Me wisa kir ku xelk zêdetir bi me bawer bikin û dengên me dê hilbijartin piştî hilbijartinê zêdetir bibe.

Bafil Celal Talebanî: Em ti carî ji sozên xwe poşman nabin

Got jî têbîniyên YNK’ê hene û em ê rewşê binirxînin, em ti carî ji wan sozên ku me dane poşman nabin, tevî ku gelê Herêma Kurdistanê baweriya xwe bi saziyan winda kiriye lewma divê em saziyên rast ava bikin.

Serok amaje bi wê jî kir ku: Ti kabîne bi qasî kabîneya nehan xirab nebû ji ber ku siyaseta xelet cîbicî kir.

 Serok Bafil: Divê em xeletiyên xwe yên berê qebûl bikin

Gelek kêmasî hene ku divê bên sererastkirin û divê em şaştiyên xwe yên berê qebûl bikin û îro ji duh xweştir bikin.

Serok Bafil got: Haya wezîrê darayî ji ti daneyan li ser firotina petrolê nîne û kes nizane proseya firotina petrolê çawa ye, ez bawer nakim ku behsa dahata petrolê yekrêziya Kurdan têk bibe.

Bafil: PDK naxwaze hêzên Pêşmerge bibin yek

Wî zêde kir:Yekgirtina hêzên Pêşmerge û avakirina hêzeke Kurdistanî bernameya Mam Celal bû, lê PDK ji bo berjewendiyên xwe vê yekê naxwaze, li şûna wê, ew dixwaze serweriya Hêzên Pêşmerge bike, ev jî li dijî rêkeftina ku bi Amerîkiyan re çêkiriye ye.

Serok Bafil: Em bi wê partiyê re rêdikefin ku armanc xizmet e

Endamê Serkirdatiya Yekîtiya Niştimanî ya Kurdistanê di dawiya axaftina xwe de got; YNK amadeye li gel her partiyek ku armanca wan xizmetkirina niştiman be lihev bike û em hêvîdar in ku rojek were parlamento û hikûmetek hebe ku em şanaziyê pê bikin. Rêkxistinkirin armanca sereke ya YNKê ye û dema guhertinê ye ji ber wê jî ema made ne bo rêkeftin û li benda ti aliyekê nasekinin.

Dîdara MERI bûyerek Enstîtuya salane ye ku siyasetmedarên herêmî û navneteweyî, pisporên akademîsyen, serokên raya giştî, çalakvanên civaka sivîl, rojnamevan û dîplomatan dicivîne ji bo gotûbêjkirina mijarên sereke yên ku bandorê li herêma me dikin û çareseriyan ji biryarderan re pêşkêş bikin.

Armanca dîdarê ewe ku bi beşdarbûn, diyalog û sermayeguzariya hevpar li Êraq û Rojhilata Navîn aştî, aramî û bextewariyê pêş bixe.

Dîdara MERI ya 2024-an li dora pêşiyên siyaseta Êraqî ya heyî dizivire Ligel dînamîkên herêmî yên ku her gav diguherin û derfetên ku ji bo beşdarbûn û hevkariya navneteweyî hene, çend mijar ji bo nîqaşa siyasetê û analîzên kûr hatine hilbijartin.

PUKMEDIA