Rêbwar Teha: Em kar ji bo cîbicîkirina gelek projeyan li Kerkûk`ê dikin

PUKMEDIA

Rêbwar Teha Parêzgarê Kerkûk`

Rêbwar Teha Parêzgarê Kerkûk`ê tekez kir, ku rêveberiya nû kar dike ku hemû pirsgirêkên li parêzgeha Kerkûk`ê çareser bike û wî bajarî di nav parêzgehên din yên Êraq`ê de bike parêzgehek e nimûneyî.

Parêzgarê Kerkûk`ê di dema merasima vekirina avahiya nû ya liqê Yekîtiya Peymankaran li Kerkûk`ê de got: Rêveberiya berê ya Kerkûk`ê bi awayekî baş ji bo xizmetkirina xelkê parêzgarê Kerkûk`ê kar nekiriye; lewma em ji bo rastkirina wan şaştiyan û çareserkirina hemû pirsgirêkên ku li Kerkûk`ê hene kar dikin.

Got jî: Rêveberiya nû ya Kerkûk`ê rûbirûyê pirsgirêkên mezin yên siyasî, aborî, ewlekarî û îdarî bûye; lewra em kar ji bo çareserkirina wan pirsgirêkan dikin; her weha em kar dike ku kerkûk`ê bikin parêzgehek e nimûneyî di na parêzgehên din yên Êraq`ê de;û me cîbicîkirina çend pirojeyên stratejîk ku xizmeta xelkê parêzgeha Kerkûk`ê bike, pêşniyar kiriye.

Parêzgarê Kerkûk`ê aşkere kir ku rêveberiya nû ya Kerkûk`ê kar dike ji bo cîbicîkirina gelek rê û pirên nû ku hêjayî xelkê Kerkûk`ê ne,ku  ji wan jî Tunêla Birayetî, Geraja nû, riya Silêmanî-Kerkûk, avakirina nexweşxaneyeke nû li devera Altûn Kopru, û gelek projeyên din hene ku girêdayî jiyana welatiyan ne.

PUKMEDIA