YNK li ser binpêkirin û pirsgirêkên hilbijartinê lêkolînan dike

Daxuyaniya Buroya Hilbijartinê

Serokê Buroya Hilbijartinan û Tîma Hevkariya Hilbijartinê ya UNAMI

Yekîtiya Niştimanî ya Kurdistanê (YNK) ragihand ku dê li ser pirsgirêk û giliyên hilbijartinan lêkolînê bikin, di çarçoveya vê lêpirsînê de li ku derê kêmasî, pirsgirêk an binpêkirin hebin, dê li pêşberî daraza hilbijartinan rêyên hiqûqî bê girtin.

Serokê Mekteba Hilbijartinan Rizgar Hacî Hema li baregeha Mekteba Siyasî ya bajarê Silêmaniyê bi şanda nûnerê Netewên Yekbûyî (UNAMI) bi serokatiya Amir Arain Serokê Desteya Hevkariya Hilbijartinan re civiya.

Di civînê de behsa birêveçûna hilbijartinan û pirsgirêkên proseyê bi taybetî li parêzgeha Duhok û Hewlêrê hat kirin.

Rizgar Hacî Hema ji şandeya mêvan re got:“YNK dê lêkolînê li ser pirsgirêk û gilî û gazinan li seranserê Kurdistanê bike, bi taybetî li her du parêzgehên Hewlêr û Duhokê.Li ser vê yekê li ku derê kêmasî, pirsgirêk an binpêkirin hebin dê li pêşberî daraza hilbijartinan tedbîrên hiqûqî bên girtin.’’

PUKMEDIA