Parêzgarê Kerkûkê ji bo jîngeha bajêr pêngavek girîng avêt

PUKMEDIA

Kerkûk

Parêzgarê Kerkûkê ji bo parastina jîngeha bajêr pêngaveke girîng avêt û got: Emê Kerkûk`ê bikin bajarekî nimûneyî li Êraq`ê.

Parêzgarê Kerkûk`ê Rêbwar Teha ji kenalên ragihandinê re ragihand, dûmana kargeha Çîmento ya devera Leylan`ê bûye egera metirsiyê li ser jiyana welatiyên Kerkûk`ê;lewra  di çarçoveya xizmetên xwe de jî, me hewl da ku dûmanê derman bikin û alavên ku dê dûmanê kêm bikin û gazên zirardar yên ku ji kargehê derdixin, ji welatên derve bînin.

Rêbwar Teha got: Wek me çawa soz dabû xelkê Kerkûk`ê ku, emê xizmeta wan bikin û bi her awayî rêgiriyê li pîsbûna jîngehê bikin; û guhertina hin beşên kargehê jî ji bo xelkê deverê û parastina canê wan e.

Di heman demê de erkê me ye ku em xweza û jîngeha bajarê xwe biparêzin, di vî warî de em daxwaz ji welatiyan dikin ku alîkariya me bikin daku bajêr paqij bikin,û eger ew dît ku sedemek dibe sedema qirêjiya jîngehê, me agahdar bikin.

Her parêzgarê kerkûk`ê got: Emê Kerkûk`ê bikin bajarekî nimûneyî li Êraq`ê û jîngeheke paqij dabîn bikin, ji ber ku me biryar da bajêr ji toz û mayînan paqij bikin, niha jî em berdewam in ku jîngeheke paqij ji bo welatiyên xwe dabîn dikin; jiber ku me di destpêka karê xwe de biryar dabû ku bajêr ji toz û bermayiyan paqij bikin, û em berdewam dikin daku jîngeheke paqij ji welatiyên xwe re misoger bikin.

 
PUKMEDIA