Serokatî: Divê partiyên siyasî ji bo avakirina hikûmetê bicivin

Malpera serokatiyê

Serokatî

Bi helkefta serkeftina hilbijartinên parlamentoya Herêma Kurdistanê, Serokayetiya Komarê pîrozbahiyê li gelê me yê Herêma Kurdistanê û hemû partî û aliyên siyasî yên beşdar di vê mafê giring ê demoqratîk de kiriye û bilind nirxand û pêzanînên xwe ji bo pîşeyî û yekrêziya bilind dinirxîne ku ji aliyê Komisyona Bilind a Serbixwe ya Hilbijartinan ve di birêvebirina proseya hilbijartinan de bû.

Serokayetiya Komarê bang li hemû aliyên siyasî dike ku li ser maseya diyaloga niştimanî ya avaker rûnin, bi mebesta pêkanîna hikûmeta herêmê li ser bingehê ku xizmetkirina xelkê li ser esasê xwe de be, û kar ji bo pêşxistina avadankirin û pêşxistina kar û xebatan bike di pêvajoya nûavakirinê, piştgirîya vejandina aborî, û bidestxistina pêşkeftina domdar de.

Hilbijartin ji bilî ku mafê bingehîn yê destûrî ye, stûna bingehîn a sîstema me ya demokratîk a parlamentoya federal a yekgirtî ye û ji bo hemû Iraqiyan jî cihê şanaziyê ye. Ji vî alî ve Serokatî banga rêzgirtina ji encamên hilbijartinê û îradeya azad a gel dike. Her wiha piştgiriya  xwe ji bo temamkirina rêya destûrî û demokratîk li herêma Kurdistanê, bi awayekî ku yekrêziya niştimanî bihêztir bike û daxwazên gelê me yên ji bo geşepêdan, geşbûn û pêşketinê pêk bîne, tekez dike.

Dezgeha Ragihandinê ya Serokatiya Komarê

PUKMEDIA