Berdevka komîsyonê: Di dengdana taybet de 71 gilî hatine tomarkirin

PUKMEDIA

Dengdan

Biryare îro Duşemê 21/10/2024, Komîsyona Bilind a Serbixwe ya Hilbijartinan encamên destpêkê yên hilbijartinên gera şeşem a Parlamentoya Kurdistanê ragihîne .

Duh, Yekşemê 20/10, proseya dengdana giştî ya hilbijartinên Parlamentoya Kurdistanê birêve çû, sindoqên dengdanê demjimêr heftê sibehê vebûn û demjimêr şeşê êvarê jî hatin girtin.
Komîsyona Hilbijartinan derengiya şeva borî di kongirekî rojnamevanî de ragihand, ku hilbijartin bi awayekî serkeftî bê pirsgiêk hatin encamdan û da zanîn ku encamên hilbijartinan ji Ofîsa Niştimanî ya Komîsyona Hilbijartinan re li Bexdayê hatin şandin û encamên destpêkê dê îro ji wir werin ragihandin, lê Encamên dawî dê ji Hewlêra paytext bên ragihandin.

Komîsyonê eşkere kir ku rêjeya beşdariya di dengdana giştî de %70 bûye (Hewlêr 74%, Silêmanî 65%, Duhok 78%, Helebce %69 û di dengdana taybet de 71 gilî hatine wergirtin.

Proseya dengdana taybet roja Îna borî, 18/10/2024 birêve çû, ku rêjeya beşdariyê %97 bû.
Hejmara kesên xwedî mafê dengdanê gehişte 2 milyon û 899 hezar û 615 dengderan, ku %72 ji wan beşdarî dengdanê bûne, ku li ser hezar û 431 navendên hilbijartinan ku ji 7 hezar û 67 navendan pêk tê, hatine belavkirin.

Herwiha hevrikiyê ji bo wergirtina kursiyên parlemantoyê kirine (136) lîsteyên hilbijartinan, ku (1191) namzedin ji wan (368) namzedên jin, (84) namzedên takekesî bo kursiyên giştî, (20) namzedên takekesî ji bo kursiyên pêkhateya tirkmen, û (18) namzedên taybet kursiyên pêkhatî.

Parlamentoya Kurdistanê ji 100 kursî pêk tê - 5 ji wan ji bo pêkhateyên Xiristiyan û Tirkmen in - ku li ser 4 bazneyên hilbijartinan hatine dabeşkirin (Hewlêr 36 kursî, 2 ji pêkhateyan, Silêmaniyê 38 kursî, 2 ji wan ji bo pêkhateyan, Duhok 25 kursî - kursiyek ji pêkhateya mesîhî re -, Helebce 3 kursî.

PUKMEDIA