Komîsyon: Rêjeya beşdarîkirina di dengdanê de %72 bû

PUKMEDIA

Proseya dengdana giştî

Piştî bi dawîhatina proseya dengdana giştî ji bo Hilbijartinên Gera  Şeşemîn ya Parlemana Kurdistan`ê ku dema 11 demjimêran berdewam kir; komîsyonê rêjeya beşdarîkirina dengderan li herêmê ragihand ku %72 bûye.

Serokê Komîsyona Hilbijartinan ya Herêma Kurdistan`ê Neberd Omer di kongreyeke rojnamevaniyê de ragihand, Hilbijartina Giştî ya Gera Şeşemîn ya Parlemana Kurdistanê bi awayekî serkeftî bidawî bû; û li gor wê yekê ku ji sedî 98ê dengên hatine cudakirinî, rêjeya giştî ya dengdanê li herêmê %72 bûye.

Neberd Omer got: Sibê Duşemê rêkefta (21-10-2024an ) encamên destpêkê yên dengdanê dê bên ragihandin û her giliyek hebe, komîsyon dê lêkolînê li ser wê gilî û belgeyan bike; û piştre komîsyon dê bersiva giliyan bide.

Piştre Eyser Yasîn Berdevkê Komîteya Navendî yê Hilbijartinên Herêma Kurdistan`ê di kongreyeke rojnamevaniyê de rêjeya beşdarîkirina dengderan di Hilbijartina Gera Şeşem ya Parlemana Kurdistan`ê belav kir; û li gor ji sedî 98 dengên hatine cudakirin li bazineya Duhok`ê ji sedî 78 û li bazineya Hewlêr`ê ji sedî 78 û li bazineya Silêmaniyê ji sedî 65 û li bazineya Helebce jî ji sedî 69 bûye ku bi têkrayî rêjeya beşdarîkirina dengeran bi giştî li herêmê gihîştiye ji sedî 72`ê.

Îro Yekşem e rêkefta 20`ê Cotmeha sala 2024 an Hilbijartina Gera Şeşem ya Parlemana Kurdistan`ê demjimêr 7ê sibehê destpêkir û heya demjimrê 6`ê êvarê berdewam kir ku têde mafên 2 Milyon û 899 Hezar û 778 kesan ya dengdanê hebûn.

PUKMEDIA