Deng bidin û dawî pê bînin

PUKMEDIA

Serok Bafil Celal Talebanî

Serok: Em ji kesên serketî re serkeftinê dixwazin

Serokomarê Êraqê Latîf Cemal Reşîd li Bexdayê beşdarî proseya dengdanê bû û ragihand: Em pîrozbahiyê li gelê Herêma Kurdistanê dikin û hêvîdar in beşdariyeke aktîf di proseyê de hebe, em kêfxweş in ku heta niha pirose bi başî birêve çûye û hêviya serkeftinê ji kesên serketî re dixwazin û bikarin daxwazên welatiyan berçav bigrin.

Spasiya her aliyekê dikim ku ev hilbijartina rêkxistine

Qubad Talebanî piştî dengdana xwe di daxuyaniyeke rojnamevanî de ragihand: Ez bang li hemû welatiyan dikim ku bi awayekî berfireh beşdarî hilbijartinan bibin ji bo guhertina rewşa niha ya Herêma Kurdistanê ji bo baştirkirin û bidawîkirina desthilata deshilatdar.

Got jî: Ez bang li hemwelatîyan dikim ku dengê xwe bidin partiya ku bikare baştirîn xizmetguzarî pêşkêşî hevwelatîyan bike û bi baweriya min 129 pirsgirêk herêma Kurdistanê hene ku divê bên çareser kirin.

Qubad Talebanî eşkere kir: Bi alîkariya Xwedê û bi piştevaniya dengên welatiyan, proseya dengdana taybet bi başî derbas bû û piştî hilbijartinan proseya pêkanîna hikûmeta nû dest pê dike.
Qubad Talebanî amaje bi wê yekê jî kir, ku ev hilbijartinên parlamentoyê dê guhertinên mezin li Herêma Kurdistanê bi xwe re bîne û îro jî destpêka proseya rastkirina rêbaza desthilatdariyê li Herêma Kurdistanê ye.
Îro danê sibê 20.10.2024ê, proseya dengdana giştî ya hilbijartinên Parlamentoya Kurdistanê li hemû bajar û navçeyên Herêma Kurdistanê dest pê kir.

 Şalaw Kosret: Deng bidin heta Hewlêrê werbigrin

Şalaw Kosret Resûl wek yekem dengder li navenda amadeyî azadî kuran li Hewlêrê deng da û di peyamekê de ji dengderan re ragihand ku li bajarê Hewlêrê me deng da û me ji xelkê daxwaz kir ku beşdarî piroseya dengdanê bibin ji bo rastkirina rêbaza hukimraniyê û Hewlêrê vegerînin.

Derbaz Kosret: Qonaxeke nû ya desthilatdariyê ye

Derbaz Kosret Resûl beşdarî proseya dengdanê li navendeke dengdanê ya li Hewlêrê bû û got: Qonaxa nû di proseya demokrasiyê de derketiye holê, ji ber ku yasayeke nû ku 4 bazneyên wê hebin dê dengdan li ser bê kirin û dengdan mafê bingehîn yê her partiyek e.
Daxwaz li hemû gelê Herêma Kurdistanê dikin ku biçin dengê xwe bidi ji bo ku em bikaribin cûdahiyek çêbikin, em hêvî dikin ku hemû aliyên siyasî pabendî bernameyên xwe bin.”

Îmad Ehmed: Îro ji bo Kurdistanê û YNKê rojeke dîrokî ye

Berpirsê Buroya Ragihandin û Hişyariyê Îmad Ehmed li navenda dengdanê amadeyî Pîşesazî ya Silêmaniyê deng da û di daxuyaniyekê de ragihand ku: Îro rojeke dîrokî ye ji bo Kurdistan û Yekîtiya Niştimanî ya Kurdistanê, erkê me ye ku em beşdarî vê karnevala guhertinê û rastkirina şaştiyên desthilat û hikûmetê bibin û dengê xwe bidin Kurdistaneke bihêztir. Êdî dem hatiye ku hikûmetek bi bandor, bi û dadperwer bê avakirin ku daxwazên gelê me bi cih bîne û yekrêziya gelê me biparêze.

Îro demjimêr 7ê sibê proseya dengdana şeşemîn civîna Parlamentoya Herêma Kurdistanê dest pê kir û heta 18.00 êvarê dê berdewam bike.

Şêx Cafer piştî dengdanê: Divê hikûmeta bê hikûmeteke xizmetguzarî be

Îro yekşemî 20ê cotmehê, Berpirsê Encumena Parastina Berjewendiyên Bilind ên YNKê Şêx Cefer Şêx Mistefa li navenda dengdanê ya hola Hunerî deng da û piştre di civîneke çapemeniyê de ji kenalên ragihandinê re axivî û tekez kir ku divê hikûmeta bê hikûmeteke xizmetguzarî be.