Serok Bafil: Bi hevre ber bi pêşerojeke geştir û herêmek aramtir

PUKMEDIA

Serok Bafil Talebanî

Serokê Yekîtiya Nîştimaniya Kurdistan`ê (YNK) Bafil Celal Talebanî peyamek pêşkêşî hêzên ewlekariyê kir û têde spasiya serkeftina proseya dengdanê kir û ragihand: Bi hevre berbi pêşerojeke geştir, berbi herêmek aramtir û got jî: Hûn her timî parêzvanên aştî û aramiyê bûn; û di vê qonaxa girîng de jî we pêşengiya pêşdebirina rewta demokrasiyê kir lewra em bi hewldanên we şanaziyê dikin.

Amaje bi wê yekê kir ku, berpirsiyariya we ye ku hûn aramiya proseya dengdanê biparêzin û ez bawer im hûn dê hêviyên me pêk bînin; ezê bibim bira û dostê we yê dilsoz û daxwaza min ya biratî ew e ku hûn serkeftinên xweşiyê bi awayekî şaristanî bînin ziman.

Naveroka Peyamê:

Ji dil ve spasiyên xwe pêşkêşî hêzên Pêşmerge, Ajansa Parastin û Zanyarî- Zanyarî, Dezgeha Asayîşa Herêmê, Hêzên Navxwe û Polîsên hemû rêveberî, Hêzên Dije-Teror, Komando yên Kurdistan`ê û operasyonan dikim; ji bo beşdarbûna we ya bi coş di biserxistina proseya dengdanê û avakirina rêveberiyeke saxlemtir de.

Îro xwîşk û birayên min yên delal, wek çawa hûn her timî bûne parêzvanên aştî û aramiyê; em bi hewldanên we yên ji bo pêşdebirina rewta demokratîk di vê qonaxa girîng ya herêma me de serbilind in.

Hevalên min yên hêja, di rojên pêş de erk û berpirsyariyeke mezin li ser we ye û parastina aramiya proseyê berpirsyariya we ye; ez ji we daxwaz dikim ku hûn bi heman giyanê û coşa wek îro vê erka girîng bi cih bînin; û ez bawer im ku hûn ê hêviyên me bi cih bînin.

Ez piştrast dikim ku ezê her demê bira û dostê we yê dilsoz bim û daxwaza min ya biratî ew e ku serkeftinên we bi awayekî şaristaniyane ragihînin û wek her demê ji bo Kurdistana me bibin mînak.

Bi hev re berbi pêşerojeke geştir, ber bi herêmek aramtir ve

Birayê we û dilsozê we

Bafil Celal Talabanî

PUKMEDIA