Lîwa Rizgar Cebar: Li Silêmaniyê hilbijartin pir baş derbas dibin

PUKMEDIA

Fermandarê Fermandeyê Parastin û Hawarçûnê yê Hêzên Pêşmerge lîwa Rizgar Cebar Mihemed

Proseya hilbijartinên taybet li parêzgeha Silêmaniyê bi awayekî baş birêve diçe û fermandeyê fermandeya berevanî û hawarhatina Pêşmerge jî ragihand: Em ji nêzîk ve çavdêriya proseyê dikin û ti pirsgirêk di proseyê de nînin.

Fermandarê Fermandeyê Parastin û Hawarçûnê yê Hêzên Pêşmerge lîwa Rizgar Cebar Mihemed ji PUKMEDIA re wiha got:“Pêvajoya hilbijartinên taybet li parêzgeha Silêmaniyê pir baş birêve diçe û ti pirsgirêk ji bo proseyê derneketine.’’
Serleşker Rizgar Cebar got: Erka me parastina navendên dengdanê û sindoqên li parêzgeha Silêmaniyê ye û li gorî plana ku Wezareta Navxwe daye me, emê bi erkê xwe ve rabin.

Dengdana taybet bo şeşemîn rûniştina hilbijartinên Parlamentoya Herêma Kurdistanê îro saet 7ê sibê destpê kir û biryar e heta saet 18.00 ango 11 saetan berdewam bike.
Li gorî zanyariyên ku PUKMEDIA ji komîsyonê bi dest xistine, li çar herêmên Hewlêr, Silêmanî, Duhok û Helebceyê 215 hezar û 960 dengder dikarin di dengdana taybet de dengê xwe bidin.

PUKMEDIA