Zêdetirî 215 Hezar hilbijêr di hilbijartina taybet de dê deng bidin

PUKMEDIA

Dengdan

Dengdana taybet ji bo Hilbijartina Gera Şeşemîn ya Parlemana Kurdistan`ê dê sibê rêkefta 18-10-2024 an demjimêr 7ê danê sibehê dê dest pê bike û biryar e ew prose heta demjimêr 6ê danê êvarî, wate ji bo heyama 11 demjimêran dê berdewam bike.

Li gorî zanyariyên ku PUKMEDIA ji komîsyonê bi dest xistine,di dengdana taybet de li çar bazineyên Hewlêr, Silêmanî, Duhok û Helebce;yê 215 Hezar û 960 dengder mafên wan yên dengdanê hene.

Komîsyon dê 165 navendên dengdanê ji bo dengdana taybet li herêmê veke, ku ji wan 62 li Hewlêr, 57 li Silêmaniyê, 33 li Duhok`ê û yek navend jî li Helebce ye; ev jî di demekê de ye ku  hejmara navendên dengdanê yên taybet li çar bazineyên herêmê; 749 navendên dengdanê ne, ku ji wan 306 li Hewlêr`ê, 276 li Silêmaniyê, 142 li Duhok`ê û 3 navendên dengdanê jî li Helebce ne;her weha  Ji bilî her çar parêzgehên Herêma Kurdistan`ê, li parêzgehên Kerkûk, Bexda, Selahedîn, Nînowa, Diyala, Wasit û Enbar`ê, navendên dengdanê ji bo dengderên taybet dê bên vekirin.

Ji bo dengdana taybet 251 Hezar û 700 pusûleyên dengdanê hatine amadekirin ku navên 136 lîstan, 84 berbijêrên take kesî, 20 berbijêrên Turkmen û 18 berbijêrên Mesîhî hene; ku li 165 navendan û 749 wêsgehan dê deng bidin.

Piştî 6 salan biryar e roja 18ê Cotmeha 2024an dengdana taybet û roja 20ê Cotmeha 2024an jî dengdana giştî ji bo Hilbijartina Gera  Şeşem ya Parlemana Kurdistan`ê dê birêve biçe; û bi giştî 2 Milyon û 899 Hezar û 578 kes mafên wan yên dengdanê hene ku li ser çar bazineyên Hewlêr, Silêmanî, Duhok û Helebce hatine dabeşkirin.



PUKMEDIA