Serokwezîrê Federal projeya hejmara min red dike

Kurdistan 11:19 AM - 2024-10-17

Civîna Serokwezîrê Federal

Hikûmeta federal redkirina pirojeya hejmara min piştrast kir û ew wek hesabekî partiyeke taybet li Herêma Kurdistanê nirxand û daxwaz ji karmendan kir ku mûçeyên xwe li bankên federal tewtîn bikin.

Serokê Yekîtiya Niştimanî pirojeya hejmara min red dike

 

Bafil Celal Talebanî serokê Yekîtiya Niştimanî ya Kurdistanê di karnavala giştî ya bajarê Koyê de got: Min çendîn peyam derbarê mijareke girîng de wergirtine, ew jî projeya “Hesabê min” e, bi xwedê sond dixwim ew ne hesabê min e û ne we ye lê hesabê Mesrûr, di vê yekê de jî ew dixwazin pereyên we sudmend bin, em bûn ku çûn Bexdadê û mûçeyê we misoger kirin, pirojeya hejmara min feyda li we nake tewtîn bikin.

Hikûmeta federal projeyek hejmara min red dike

 

Nûnerê Yekîtiya Niştimanî ya Kurdistanê Xerîb Ehmed di daxuyaniyeke taybet de ji PUKMEDIA re ragihand: Serokwezîrê Federal di serdana xwe de û hevdîtina ligel berpirs û nûnerên parêzgeha Diyalayê tekez kir ku hikûmeta federal rêzê li biryara Dadgeha Federalî digire û pabend e ku mûçeyên karmendan li Herêma Kurdistanê tenê bi rêya bankên federal were çareserkirin, û projeyek hejmara min red dike, ji ber ku girêdayî aliyeke siyasî ye, û bi ti awayî ne girêdayî proseya tewtînê ye.

Got jî: Em nûnerên fireksiyona Yekîtîya Niştîmanî ne û piştî biryara serok Bafil Celal Talebanî ya redkirina pirojeya hejmara min û tewtînkirina mûçeyên karmendan di bankên hikûmetê de, em wek fireksiyona Yekîtî kar bo hevkarîyê li gel bankên federal dikin ku bi zû şaxên xwe li Herêma Kurdistanê vekin, daku mûçeyên karmendan bi cih bînin û bêne tewtînkirin.
Got jî: Niha formek li ser karmendan li parêzgeha Silêmaniyê hatiye belavkirin û ew bi hemû hewldan û dilxweşî kar dikin daku vê formê tijî bikin, daku bibe sedema tewtînkirina mûçeyên wan di bankên federalî de wek El-Reşîd, El-Rafîdeyn û Banka Bazirganî.

 

Biryara Serok Bafil Celal Talebanî bi awayekî girseyî tê pêşwazîkirin

 

Biryara dîrokî ya Bafil Celal Talebanî Serokê Yekîtiya Niştimanî ya Kurdistanê ya redkirina pirojeya hejmara min ji aliyê hemû karmendên Herêma Kurdistanê ve bi kêfxweşî hat pêşwazîkirin û tekez li ser wê yekê kirin ku tewtînkirina çareseriya baş ji bo çareserkirina pirsgirêka mûçe.

Sendîkaya Biyolojiyên li Kurdistanê biryara dîrokî ya Bafil Celal Talebanî Serokê Yekîtiya Niştimanî ya Kurdistanê ya redkirina pirojeya hrjmara min û karkirina bo tewtînkirina mûçeyên karmendan di bankên federal de bilind nirxand.
Sendîkayê her wiha got: Ev biryar dibe alîkar bo xizmetkirina karmendan li Herêma Kurdistanê û herwiha dibe alîkar bo dabînkirina destkeftên darayî bo karmendan û bidawîkirina paşxistina mûçeyên wan.
Sendîkaya Karmendên Kurdistanê jî redkirina projeya hejmara min ya ku Hikûmeta Herêma Kurdistanê li ser dixebitî ragihand û piştgiriya xwe ji biryara dîrokî ya Serokê Yekîtiya Niştimanî ya Kurdistanê Bafil Celal Talebanî piştrast kir.

Sendîkayê her wiha got: Em bi navê hemû karmendan biryara Serok Bafil Celal Talebanî ya bidawîkirina kar li ser pirojeya hejmara min, karkirina ji bo tewtînkirina mûçeyên karmendan, parastina maf û mafên wan ên darayî û bidawîkirina pirsgirêka paşxistina mûçeyan bilind dinirxînin.

Ji aliyê xwe ve Yekîtiya Mamostayên Kurdistanê tekez kir ku ev helwest û biryar daxwazên piraniya mamostayên Herêma Kurdistanê nîşan dide, ji ber ku mamosta di wê baweriyê de ne ku projeya hesabê min dê dawî li pirsgirêkan neke û bandoreke erênî jî li jiyana wan neke. Tewtînkirin di gelek waran de pirsgirêkan bi dawî dike û sûdê werdigire, lewra em piştgirî û alîkariya xwe bi biryara dîrokî ya Serok Bafil Celal Talebanî radigihînin û em bang li aliyên din ên siyasî dikin ku piştgiriya helwesta wî bikin da ku bi awayekî radîkal pirsgirêka mûçe û paşxistin bi dawî bibe.

Yekîtiya Toxtirên Diranan ên Kurdistanê jî piştevaniya xwe bo biryara Serok Bafil Celal Talebanî ya redkirina pirojeya hesabê min piştrast kir.
Sendîkayê her wiha got: Em piştgîriya xwe ya temam ji bo tewtînkirina mûçeyên karmendan di bankên federal de li gor biryara Dadgeha Federalî tekez dikin û bi navê hemû doktorên dirananpesna vê iryarê didin ku wê dawî li hin pirsgirêkên girîng bîne.

PUKMEDIA