Qubad Talebanî ji dengderan re: Dengê we bandorê dike

PUKMEDIA

Qubad Talebanî

Berpirsê Ofîsa Sekretariya Serok Mam Celal Qubad Talebanî tekezî li ser pêwîstiya kar bo serrastkirina rêbaza desthilatdariya Herêma Kurdistanê û vegerandina hevsengiya hêzan kir.

Qubad Talebanî di serdana xwe ya bo herêma Gobtepe de got: Hilbijartinên dahatî yên Herêma Kurdistanê ji hilbijartinên din cudatir e ji ber ku dê parlamentoyek bi bandor û hikûmeteke nû li Herêma Kurdistanê pêk were.

Got jî: Me coşeke mezin di nav girseya gel de dît li hemû navçeyên Herêma Kurdistanê di dema kampîna hilbijartinan de, coşa vê carê ji hilbijartinên din cudatir e, ji ber ku hemwelatiyan bi encaman dizanîbûn berî ku bên kirin, û partiyek heye ku hejmara kursiyên xwe bi dengên koçber, mirî û sextekirinê garantî dike ji ber vê yekê piraniya welatiyan hilbijartin boykot dikirin.

Qubad Talebanî got: Yekîtiya Niştimanî ya Kurdistanê niha yek partî ye, yek siyaset û araste ye û yek serok jî Bafil Celal Talebanî ye ku partiya me yekgirtî kir û karîbû bi hemû cesaret li pêşberî Partiya Demokrat raweste û got: Êdî bes e, em ê ji niha û pê ve bêhiqûqiyê qebûl nekin, ew bû ku hêvî ji cemewer re vegerand û hemû pêhatên civskê aşt kir, Îro firsendeke nû û zêrîn heye ku hûn dikarinbi dengên xwe rêbaza desthilatdariyê serrast bikin Vê carê kes nikare encamên hilbijartinan sexte bike û binpêkirinan bike, kes nikare xwe li ser we ferz bike.

Got jî: YNK yekane hêze ku dikare rêyên rêvebirinê biguherîne û dawî li cihêkarî û neheqiyê bîne.
Got jî: Em kar dikin bo guhertinek giştalî di sîstema hikûmeta herêma Kurdistanê de û hikûmeteka dadperwer û aqilane hebe ku nûneratîya hemû gelê Kurdistanê bike.

PUKMEDIA