Şenaz Îbrahîm Ehmed: Emê bi hilbijartinan dawî li xwerêveberiyê û yekdestdariyê bînin

PUKMEDIA

Şanaz Îbrahîm Ehmed

Endama Mekteba Siyasî ya YNK’ê Şenaz Îbrahîm Ehmed wiha got: "Hilbijartin beşdariyeke medenî ye ji bo bidestxistina şirîkatiya rasteqîne di rêveberiyê de, lewra beşdariya di vê pêvajoyê de yekane rê ye ji bo bidestxistina guhertinên siyasî; faktorek ji bo pevguhertina hêz û serweriya yasa û bidawîkirina çanda yekdestdariya siyasî."

Endama Mekteba Siyasî ya Yekîtiya Niştimanî ya Kurdistanê (YNK) Şanaz Îbrahîm Ehmed peyamek pêşkêşî gelê Kurd û dengderan kir:"Çend rojên din welatiyên Herêma Kurdistanê ji bo civîna şeşemîn a Parlamentoya Kurdistanê dê biçin ser sindoqan. Ev hilbijartin ji bo pêşeroja siyasî û guhertina rêveberiya herêma me gelekî girîng e.Di parvekirina dahat û xizmetguzariyan de yekpartîbûn, cudakarî û neheqî li benda vê hilbijartinê ne.”

Ew lê zêde dike: “Stûna herî girîng a sîstemeke demokratîk serî li biryara gele, beşdariya medenî ye ji bo bidestxistina pirdengiya siyasî û hevpariya rasteqîne di rêveberî û sivîlan de ye. Mixabin ji ber nerehetiya siyasî û dîktatoriya partiyan rewşa niha ya herêma me ne li gor daxwazên Herêma Kurdistanê ye."Ev ne ya ku miletê me hêvî dike ye û pêdivî bi reformên siyasî heye."

“Beşdarbûna di vê pêvajoyê de yekane rê ye ji bo bidestxistina guhertinên siyasî, ev yek ji bo pevguhertina hêz û pêkanîna dewleta qanûnê ye.Serkeftin bo gelê Herêma Kurdistanê ye. Divê em ji bîr nekin ku kîjan hêz dikare van guhertinan bike û çanda li dijî prensîb û têgehên rewşenbîrî yên demokrasiyê  û ev çend sal in Herêma Kurdistanê tûşî wê yekê bûye biqedîne.’’Wiha got
Di dawiya peyamê de wiha dibêje: “Ji bo parastina destkeftên netewî, siyasî û medenî yên gelê me, ji bo pêşîgirtina li dîktatoriya siyasî û vegerandina mafên bêpar ên gelê Kurd, werin em payîzê sindoqên dengdanê kesk bikin û jiyaneke xweştir ji welatiyên xwe re misoger bikin.’’

PUKMEDIA