Lîsta 129: Hewlêr dê Digel YNK`ê rêbaza hikûmetê serast bike

PUKMEDIA

Lîste YNK 129

Lîsta 129 ya Yekîtiya Nîştimaniya Kurdistan`ê (YNK) peyamek ji bo xelkê berxwedêr yê Hewlêr`ê, dengdêrên rêveberiya Soran û Koyê û hemû navçe û gundên parêzgeha Hewlêr`ê şand û amaje bi wê yekê kir ku, bi dengê xwe emê dawiyê li zilm, cudakarî, neheqî, birçîkirin û bêkarîyê bînin, em bi dengê we.. bi vîna we.. bi piştgirîya we; em dikarin rêbaza rêveberiyê li paytexta Herêma Kurdistan`ê serrast bikin û azadî, aştî, xizmetguzarî û avedaniyê ji bo hemû bajar û bajarokên din yên parêzgeha Hewlêr`ê misoger bikin û Hewlêr ya Minare jî bibe paytexta gelê Kurdistan`ê bi hemû civak û bîr û baweriyên cuda.

Di peyamê de hatiye: Hewlêr bi hêz e û bi hêzeke wek YNK`ê re dê ber bi serxistina Lîsta hijmare (129) ve biçe; û rêbaza rêveberiyê li Herêma Kurdistan`ê serrast bike.

Naveroka Peyamê...

Peyama Lîsteya (Yekîtiya Nêştimaniya Kurdistanê) hijmare (129) li parêzgeha Hewlêr`ê

Xelkê berxwedêr yê Hewlêr ya qela û minare

Dengdêrên îdareya Soran û Koyê û hemû navçe û gundewarên parêzgeha Hewlêr`ê

Bi salan e hûn ji ber cudakarî, neheqî, yekdestdariya desthilatdariyê, nebûna azadiya îfadeyê û rêveberiyeke otorîter dinalin, em ji bo yekrêzî û parastina pêkhateya Herêma Kurdistan`ê neçar bûne;ku  helwest û dilgiraniyên xwe bi riya çapemeniyê ji raya giştî re ragihînin, û ji ber vê yekê em îro derfetek dibînin ku helwesta xwe ya li hemberî zilm, neheqî û rewşa aloz ya îdarî ya li parêzgeha Hewlêr`ê ji bo we yên welatparêz û tevahiya gelê Kurdistan`ê aşkere bikin.


Mixabin Hewlêr ya qela û minare ya paytexta Herêma Kurdistanê havînê ji ber kêmbûna av û têhbûnê û zivistanê jî ji ber baran û lehiyê dixeniqîne;xelkê wê yê xwecihî ji kêmtirîn maf û azadiyan bê par in û heta nikarin bi xwepêşandan, grev û boykotan jî li ber dezgehên hikûmetê yan baregehên partiyan nîgeraniyên xwe diyar bikin; yan jî ji rêxistinên navneteweyî bi awayekî aştiyane û sivîlane daxwaza mafên xwe bikin;xelkê Hewlêr`ê niha li bajarê xwe wek mêvan tên dîtin, kesên biyanî bi guhertina demografîk re nerên bajêr girtine û xwe bi xwediyê malê dizanin.

Li hemû cîhanê hertimî xwepêşandan û derbirîna ne razîbûnan û dirsutkirina fişaran li ser desthilatdaran tên kirin, lê li paytexta me her cûre xwepêşandanên sivîl qedexe ne; û heta kombûnên aştiyane jî çarenivîsa wan serkutkirine.

Di sîstemên demokratîk de û li paytextên welatên demokratîk, pirpartî û parlementerî de rêveberiyeke hevpar heye; lê li paytexta welatê me yek partiyê desthilatdariya rêveberiya herêmî girtiye destê xwe û heta li navçe û qezayan  jî ku ew partiyê ew têk çûye jî, mafê rêvebirina rêveberiya herêmî nadin ew partiyên serkeftî; an jî bi kêmanî ew di saziyan de nûnerên wan hebin.

Valakirina gundan û derbiderkirina welatiyan ji gundên parêzgeha Hewlêr`ê bi sedema operasyonên serbazî li deverên Balekayetî û Soran`ê diyardeyeke metirsîdare û divê ew yek bi dawî bibe, ji ber ku berdewamiya vê rewşê metirsiyê li ser paşeroja herêmê dirust dike.

Bi saya vê desthelata hizbî sal bi sal gundên Hewlêr`ê vala dibin û xelkê wê koçber dibin û tên derbiderkirin, her li wî bajarî hejarî û bêkarî zêdetir dibe û bi dehan gundên herêmên Biradost, Balekayetî, Soran û Sîdkan ketine nava xeleka agirê şer, ku sal bi sal şer li parêzgehê kûrtir dibe; lewma em weke YNK`ê li hemberî vê rewşa ne hevseng ku parêzgeha me têre derbas dibe, bê deng namînin.

Ji bo vê mebestê me di hemû beşên (îdarî, siyasî, ewlekarî, aborî, dewlemendî, jîngeh, tenduristî, perwerde û xwendina bilind, çandinî, jin û ciwan) û beş û warên din de bernameyek berfireh û guncaw amade kiriye; û bi serkeftina Lîsta YNK`ê emê dawiyê li rewşa ne hevseng bînin û ji bo Hewlêr û Hewlêriyan emê dest bi jiayneke aştiyane, azad û tijî aşitî, avedanî û hevdu qebûl kirinê bikin.

Xelkê Hewlêr, Soran, Koyê, Ruwandiz, Balekayetî, Xoşnawtî, Şeqlawa, Xebat, Teqtaq…

Hûn hêjayî jiyanek baştirin in... Hûn hêjayî xizmetên zêdetir in.. Hûn hêjayî rêzgirtinek zêdetirin… Hûn hêjayî aşitî û aramiya mayînde ne.. ji ber vê yekê bila em vê derfeta zêrîn ji destê xwe nedin û bi dengê we dawiyê li zilm, cudakarî, zilm, ne heqî, birçîbûn û bêkariyê bînin, em bi dengê we.. Bi vîna we.. Bi piştevaniya we em dikarin rêbaza desthilatdariyê li paytexta Herêma Kurdista`nê serrast bikin û azadî, aramî, xizmetguzarî û avedaniyê ji bo hemû bajar, bajarok û gundên parêzgeha Hewlêr`ê misoger bikin; û Hewlêr  ya qela û minare jî bikin paytexta gelê Kurdistan`ê bi hemû pêkhate û xwedanên ramanên cûr bi cûr.

Ji bo cîbicîkirina bernameya piralî ya ku YNK`ê ji bo vejandina zêdetir ya parêzgeha Hewlêr`ê dariştiye berjewendiyên hemû çîn û texan li xwe digire.

Di dawiyê de em dibêjin... Hewlêr bihêz e û digel hêzeke wek YNK`ê ew ber bi serxistina Lîsta hijmare (129) ve diçe; pêngavn ji bo serrastkirina rêbaza rêveberiya Herêma Kurdistan`ê diavêje.

Lîsta hijmare (129) ya YNK’ê ya li bazineya parêzgeha Hewlêr`ê

PUKMEDIA