Serok Bafil ji devera Raperînê re: Emê bi hevre dawiyê li xwesepandinê bînin

PUKMEDIA

Serok Bafil Talebanî

Bafil Celal Talebanî ;Serokê Yekîtiya Nîştimaniya Kurdistan`ê (YNK) peyamek arasteya welatiyên herêma Raperîn`ê kir û ji bilî spaskirinekek zaf; ji ber ku ji ber qerebalixiya gel û pirsgirêkên teknîkî ;gel ne kariye gotinên wî bibihîsin, daxawza lêborîn kir û got:Tişta ku me gotiye emê cî bi cî bikin.

Serokê Yekîtiya Nîştimaniya Kurdistan`ê (YNK) aşkere kir ku, ez di çi wêstgehekê de dev ji we bernadim û bi hevre emê dawiyê li xwesepandinê bînin,wek çawa ku coşa we niha neyarên me tirsandiye û dengê we yê bilind tirs xistiye dilê hemûyan.

Naveroka Peyamê…

Welatiyên hêja û serbilind yên devera Raperîn`ê.,ez ji dil û can spasiya we dikim ji bo dilsozî û dilxweşiya we ya ji bo Yekîtiyane û ez bi hatin û amadebûna we şanaziyê dikim.

Nêzîkbûn û axaftina digel we rûmeteke mezin e; min dixwest ez zêdetir digel we bimînim, û li ser tiştên cuda û zêdetir biaxifim, lê ji ber qerebalxiya zêde û kelecana we, hejmarek ji hezkiriyên me êş gihîşte wan lewra ji bo ewlehiya her kesekî me gotara xwe kurt kir daku hezkiriyên me tûşî ne rihetiyê nebin.

cansaxî û tenduristiya we ji bo me her tiştek e, ji ber vê yekê min yekser ferman da tîmên xwe ku ji nêzîk ve rewşa tenduristiya wan hezkiriyan bişopînin; û li cem wan bimînin heya ku em tenduristiya wan piştrast bikin.

Her wiha em lêborîna xwe ji hemû kesên ku ji ber pirsgirêkên teknîkî ku nekarîne guh bidin axaftinên me dixwazin, lê em wan piştrast dikin ku tiştê me gotiye emê cî bi cî bikin.

Gelê me yê Xweşewîst û Serbilind

Ew coş û hewlên we yên dilsozane ji bo serkeftina lîsta YNK`ê nayê jibîrkirin  û em spasiya amadebûn û piştevaniya we dikim, û dubare dikim û ji bo we piştrast dikim ku ez birayê we me û ezê her demê piştevanê we bim;    ez di çi wêstegehekê de dev ji we bernadim û bi hevre emê dawiyê li xwespendinê bînin, wek çawa ku niha coşa we neyarên me tirsandiye û dengê we yê bilind tirs xistiye dilê hemûyan.

Dilsozê we

Bafil Celal Talabanî

#Yekitî129
#PUK129
PUKMEDIA