Ciwanên Germiyan`ê piraniya tîmên bangeşeya hilbijartinê pêk tînin

Kurdistanî Nuwê

Hejmarek ciwan li Germiyan`ê beşdarî karên bangeşeya hilbijartinê bûn

Ji bo beşdariya di bangeşeya Hilbijartina Gera Şeşemîn ya Parlemana Kurdistan`ê de, hemû çîn û texên cuda di çarçoveya komîteyên û tîmên bangeşeyê de hatine bi rêxistkitin û kar ji bo biserxistina lîsta 129 ya Yekîtiya Nîştimanî ya Kurdistan`ê dikin, di vê navendê de ciwanên Germiyan`ê yên li sînorê bazineya 3 piraniya endamên tîmên bangeşeyê pêk tînin û bi sedan ciwan di nava wan komîteyan de hatine bicihkirin û bi dilsozî ji bo serkeftina berbijêrên YNK’ê kar dikin.

Tevlîbûna çalak ya ciwanan

Mamosta Mihemed Ehmed Berbirê Bazineya 3 yê navçeya Rizgarî ji Kurdistan Newsê re got: Berovajiyê hilbijartinên din, hejmareke zêde yê ciwanan serî li baregehên komîte û navçeyê dane, li derveyî tîmên bangeşeyê û di nava tîman de hest bi tevlêbûna çalak ya ciwanan tê kirin. 

Berpirsê Bazineya 3 yê navçeya Rizgarî got: Ciwan bingeheke girîng e ji bo avakirina avahiya karê xwe,hatina pêş ya ciwanan çêbûna dunyaya dîtina nû ya YNK`ê ji bo ciwanan, rol bi hijmarek zaf ya ciwanan hatiye dayî daku kar bikin û derfet ji bo wan bê çêkirin; bi nêrîna Serok Bafil ciwan pêşeroja YNK`ê û Kurdistanê ne; YNK`ê  siberoja xwe di ciwanan de dibîne, lewma siyaseta ciwanan û gotara hevdem pêk tîne.

Mamosta Mihemed dibêje: Êdî dem hatiye ku di hemû waran de şiyana ciwanan pêş bixin; û ji bûyerên serdemê cuda nebin, hêviyek zêdetir bidin wan ji bo geşepêdan û têkoşînê di jîngeha siyasî ya YNK`ê de.

Girîngîdan bi ciwanan

Hardî Mehdî Xortê  temen 25 salî, kesekî çalak e li bazineya 3 yê navçeya Rizgarî ku nêzîkî 4 sal in ku peywendî bi rêzên YNK`ê kiriye behsa wê yekê dike ku, siyaseta YNK’ê piştî kongreya pêncem gelekî hatiye guhertin, yek ji wan guhertinan girîngîdan bi ciwanan e, piştre em dibînin ku ciwan di bazineyan de hatine hilbijartin ku dibin berpirsên beşan, ciwanên Germiyan`ê bi giştî û ciwanên Rizgarî bi taybetî dîtine ku tekane hêza ku dikare xizmeta ciwanan bike Yekîtiya Nîştimaniya Kurdistan`ê (YNK`ê) ye, wî ciwanî got jî: Gotarên Serok Bafil bandorek mezin li ser ciwanan kiriye û gelek ciwan berê xwe didin cihên ku têde axaftinê dike.

Herdî Mehdî ku peyamek wî ji bo ciwanan heye û dibêje: Yekane hêza ku dikare xizmeta ciwanan bike, Yekîtiya Niştimanî ya Kurdistanê (YNK) ye; belge jî ev e ku di van salên dawiyê de me dît ku gelek lîste hatibûn çêkirin û deng bi dest xistin, lê wan sozên ku dane gel bi rêk û pêk ne anîn û derket holê ku tenê YNK`ê dikare biguhere.

Xizmetkirina werzişvanan

Mamosta Mehmûd Salih Berpirsê Beşê Ciwanan yê  Melbenda Germiyan`ê ragihand: %75ê tîmên bangeşeya hilbijartinê li Germiyan ji ciwanan pêk hatine û roleke wan ya berçav di komkirina dengan de ji bo serxistina lîsta YNK`ê hene; her weha beşek ji berbijêrn jî ciwanin û bala xelkê kişandine.

Berpirsê Beşê Ciwanan yê  Melbenda Germiyan`ê derbarê rola YNK`ê di xizmetkirina werzişvanan û werzişhezên wî sinorî ragihand werzişvanan û werzişhezên beşdarbûnek wan ya çalak di proseyê bangeşeyê de hene, Ji ber ku YNK`ê di heyama du salên borî de û niha li Germiyan`ê di warê werzişî de şoreşeke werzişî pêk anî û niha jî di warê aborî de alîkariya tîmên werzişî û yaneyên werzişî dike,ji bo jêrxana werzişî jî zêdetirî Milyarek Dînar di dirustkirina yarîgeh û nûjenkirin û dirustkirina cihên rûniştina handeran û çîmenkirin û xemalandina yarîgehên li Kifrî û Kelar û Ser Qela, Navçeya Rizgarî xerc kiriye, û li hindek gundan jî projeya werzişî pêşkêş kiriye û niha sîmayê werzişê li Germiyan`ê hatiye guhertin û xwedanê çendîn yarîgehên hêjayî ye.

PUKMEDIA