Emad Ehmed: Avakirina hikûmeteke baş tenê ji aliyê YNKê ve dibe

PUKMEDIA

Emad Ehmed

Endamê Mekteba Siyasî û Berpirsê Mekteba Ragihandinê Emad Ehmed serdana xeleka helmeta hilbijartinan bo serkeftina lîsteya 129 ya YNKê li  Komîteya Amadekar a Zergata ya Silêmaniyê kir.

Emad Ehmed di serdanê de pîrozbahî li serpereştiya dewreyê û hevalên komîteya Zergata ku ji bo serkeftina YNKê bi hemû hêza xwe dixebitin kir û got.“Îro YNK’ê xwedî peyam û stratejiyeke zelal e û weke tîm hemû YNK’ê ji bo sererastkirina desthilatdariyê dixebitin û bernameya me jî ji daxwazên gelê Kurd e ku em îro ji bo pêkanîna van daxwazan bi rê ve dibin.’’

Emad Ehmed diyar kir:“Guhertinên hikûmraniyê û avakirina hikûmeteke dadperwer dikare ji aliyê YNKê ve were kirin, ji ber wê jî bi wêrekiya her kesî û gelê Kurd ve  emê di vê proseya rûxandina gendelî, neheqî û cudaxwaziyê de bi ser bikevin.Em ê xwe xurt bikin û baweriyê bi welatiyan û rayedaran vegerînin. Ji ber vê yekê dengdana Lîsteya 129 dê bibe dengdana herêmeke nû û bihêztir û avakirina hikûmeteke xizmetguzarî."

PUKMEDIA