Lîsta 129: Emê pirsgirêkên deverên qutkirî çareser bikin

PUKMEDIA

Lîsta 129 ya Yekîtiya Nîştimaniya Kurdistan`ê (YNK)

Lîsta 129 ya Yekîtiya Nîştimaniya Kurdistan`ê (YNK) wek çawa di dema bûrî de hemû hewlên xwe yên siyasî ji bo vegerandina deverên qutkirî bo ser îdareya herêmê bû, li gor destûrê, niha jî ew rijde li ser çareserkirin wê pirsê,ji bo vê yekê jî di bernameyê de ye ku madeya 140 çalaktir bike û tevaya bendên wê cî bi cî bike, her weha pilanek wan ya baş heye ji bo tevaya sêkterên deverên qutkirî dariştiye.

YNK`ê xwe bi xwedanê deverên qutkirî dizane

Berbijêrê hijmare 13 yê lîsta Yekîtiya Nîştimaniya Kurdistan`ê (YNK) li dvera Hewlêr`ê, Şêrzad Şêxanî ji PUKMEDIA re ragihand: Mijara deverên qutkirî yek ji mijarên girînge ku Yekîtiya Nîştimaniya Kurdistan`ê (YNK) li ser cîbicîkirina madeya 140 kar dike daku bê cî bi cîkirin, pêştir me dît ku parêzgarê Kerkûk`ê 7 salan Ereb bû, lê Yekîtiya Nîştimaniya Kurdistanê (YNK) bi serokatiya Bafil Celal Talebanî dikarî parêzgarekî Kurd ji bo Kerkûk`ê destnîşan bike, her weha Yekîtiya Nîştimaniya Kurdistan`ê.

Şêrzad Şêxanî got: Ji bilî pirsgirêka deverên qutkirî, niha jî dagîrkeriya Turkiyê dest pê kiriye û devereke berfireh li parêzgeha Duhok`ê dagîr kiriye, û dema em li dîrokê binêrin dema ku artêşa Turkiye biçe her deverkê jê venagere, zêdetirî 50 baregehên leşkerî yên artêşa Turkiye li Duhok, Amêdî û Badînan`ê hene.

Amaje bi wê yekê jî kir ku,em li benda dengê gel in, daku em bikaribin bi riya desthilatê û bi lihevkirina digel hikûmeta Êraq`ê çareseriyek ji dagirkeriya Turkiye bibînin, ji ber ku ev binpêkirina yasayên navdewletî ye; her wiha mixabin Partiya Demokrata Kurdistan`ê (PDK) jî hişt ku artêşa Turkiye Kurdistanê dagîr bike, ji ber ku ew pêşde diçin û dibe ku li hinek cihan ji bo wan şer bikin.

Em kar ji bo vegerandina hemû  axa Kurdistan`ê dikin

Yekîtiya Nîştimaniya Kurdistan`ê (YNK) parêzvanê mafên welatiyan bûye; û dixwaze bi riya wergirtina desthelatê xizmeta zêdetir pêşkêş bike û kar ji bo vegerandina hemû axa Kurdistan`ê jî bike.

Bêstûn Hacî Kerîm; Berbijêrê hijmare 20 yê lîsta 129 ya Yekîtiya Niştimaniya Kurdistan`ê (YNK) li bazineya Silêmaniyê, ji PUKMEDIA re ragihand: Mamê mezin dibêje: (Yan Kerkûk û Xaneqîn, yan jî heta dawiyê emê şer bikin) YNK`ê hertimî parêzvanê mafên xelkê bûye, ne tenê ji bo madeya 140,belku  ji bo her çar parçeyên Kurdistan`ê; eger em desthilatdariyê bigirin em ê ji bo vegerandina tevahiya axa  Kurdistan`ê kar bikin.

Bêstûn Hacî Kerîm got: Partiya Demokrata Kurdistan`ê (PDK) ji bo berjewendiyên xwe amadeye her xiyanetekê li Kurd û Kurdistan`ê bike, çi care ne xwestiye yekrêziya di navbera Kurdan de bê cî bi cîkirin, lê di dema ku desthelat li cem YNK`ê bû, xelkê Kurdistan`ê di aramiyê de bû, û em ê bi dengê xelkê hewl bidin desthilatdariyê bi dest bixin û wê aştiyê vegerînin.

Divê deverên qutkirî vegerin ser herêmê

Divê deverên qutkirî vegerin ser îdareya herêmê daku zêdetir xizmetguzarî ji wan deveran re bê kirin.

Karwan Selman Teter Sindî ; berbijêrê hijmare 24 yê lîsta YNKê li herêma Duhok`ê ya hijmare 129 li bazineya Duhok`ê ji PUKMEDIA re ragihand: Pêwîste deverên qutkirî bên vegerandin ser herêma Kurdistan`ê daku em kar û xizmetguzariyê bidin wan deveran.

Karwan Selman Teter Sindî got: Pêştir ji ber lihevnekirina aliyên siyasî me gelek cih ji dest dane, ji bo vegerandina deverên qutkirî divê lihevkirinek baş di navbera hemû aliyên Herêma Kurdistan`ê de hebe.

Derbarê karnameya lîsta Yekîtiya Nîştimaniya Kurdistanê (YNK) ya ji bo sêktera (Deverên Qutkirî û madeya 140) de wiha tê gotin.

Yekîtiya Niştimaniya Kurdistan`ê (YNK) deverên qutkirî yên Herêma Kurdistanê wek pirseke niştimanî ya stratejîk dibîne, Ji ber wê jî wek berê hemû hewlên siyasî li ser wê yekê bûn ku li gor destûrê van deveran vegerînin ser desthilata Herêma Kurdistan`ê.

Niha jî ew rijde li ser çareserkirina wê pirsgirêkê ku di bernameyê de ye;

1. Hewldan bo çalakkirina maddeya 140 ya destûra hertimî ya Êraq`ê û cîbicîkirina hemû bendên wê.

2. Asayîkirina rewşa ewlekarî, leşkerî û siyasî li deverên qutkirî ku ji ber encamên referandumê di rewşeke ne siruştî re derbas dibe.

3. Tkezkirina li ser pişk û mafên Kurdan, li gor encamên hilbijartinan, di rêvebirina van deveran de.

4. Berdewamkirin di alîkariya saziyên xizmetguzariyê yên li deverên qutkirî , bi taybet gelê Kurd ku ji ber xemsariya rêveberiyên ferzkirî rastî gelek pirsgirêkan tên.

5. Piştgiriya perwerdeya Kurdî li van deveran û wergirtina hejmarek baş ji xwendekaran li zanîngehên herêmê.

6. Alîkarîkirina saziyên rewşenbîrî , hunerî û werzişî yên Kurdî li deverên qutkirî.

PUKMEDIA