Merasîma 7.ehemîn salvegera koça dawî ya Serok Mam Celal li Kerkûk`ê dest pê kir

PUKMEDIA

Heftemîn Salvegera koça dawî ya Serok Mam Celal

Li bajarê Kerkûk`ê merasîma heftemîn salvegera koça dawî ya Serok Mam Celal bi başdariya Serokê Yekîtiya Niştimaniya Kurdistanê (YNK) Bafel Celal Talebanî û Serok komarê Êraq`ê Letîf Cemal Reşîd û xanima yekem a Êraq`ê Şanaz Îbrahîm Ehmed û cîgirê serokwezîr Qubad Talebanî û hejmarek ji berpirsên hizbî û hikûmî û welatiyan dest pê kir.

Merasîm bi deqeyeke rêzgirtinê ji bo giyanê Serok Mam Celal û hemû şehîdên Kurdistan`ê bi sirûda Ey Reqîb dest pê kir û piştre çend ayet ji Qurana pîroz hatin xwendin.

Parêzgarê Kerkûk`ê: Pêwîstî zaf bi siyaseta aqilane ya Serok Mam Celal heye

Parêzgarê Kerkûk`ê Rêbwar Teha di gotarekê de bi xêrhatina beşdaran kir û got: Îro li bajarê Kerkûk`ê salvegera koça dawî ya serkirdeyekî ku tevahiya jiyana xwe ji bo azadî û jiyana hevbeş ji bo Êraq`ê terxan kiriye û divê em ji wî fêrî berdewamiya jiyana li ser riya wî ya pîroz bibin.

Her waha got: Êraq û herêma Kurdistan`ê bi giştî û Kerkûk bi taybetî pêwîstiya xwe zêdetir bi siyaseta aqilan e ya serok Mam Celal heye, û erkê me ye ku em bi hevre di xizmeta gel û avadankirinê de bin,û li ser riya qefta gulan beşdar bibin,her weha got: Ez xelkê Kerkûk`ê dilniya dikim ku siyaseta hikûmeta xwecihî ya Kerkûk`ê li ser rêbaza Mam dimeşe ku bi pêkvejiyan û xizmetkirin e; ji ber vê yekê daxwaz ji hemû kesên li Kerkûk`ê dikim ku di vê erka pîroz de alîkariya me bikin, her weha ez serxweşiyê li rêhevala Serok Mam Celal xanim Hêro Îbrahîm Ehmed dikim.

Serok: Mam Celal li Kerkûk`ê aştî û pêkve jiyanê ava kir

Piştre Dr. Letîf Cemal Reşîd; Serok komarê Êraqê gotarek pêşkêş kir û ronahî xist ser rola Serok Mam Celal di pêkve jiyana li Êraq`ê bi giştî û li Kerkûk`ê bi taybetî û tekez li ser pêwîstiya pêşxistina giyanê pêkve jiyana aştiyane li Kerkûk`ê di navbera pêkhateyên bajêr de kir, ji bo xizmetkirina welatiyan.

Piştre jî panelek derbarê Serok Mam Celal û hewldanên wî yên ji bo pêkve jiyana aştiyane ya pêkhateyên Kerkûk`ê bi rêve çû.

Dr.Mihemed Sabîr: Serok Mam Celal di dilê me de rêberekî hertim zindî ye

Di dawiya merasîmê de Balyoz Dr. Mihemed Sabîr Serokê Sazaiya Celal Talebanî gotara malbata Serok Mam Celal û Saziya serok Mam Celal pêşkêş kir û bi xêrhatina amadevanan kir, û got: Serok Mam Celal di dilê me de serkirdeyekî mayînde ye; ji ber ku zêdetirî nîv sed salê jiyana xwe ji bo azadiya gelê xwe û jiyana hevbeş li Êraq`ê terxan kiribû, her wiha ji bo Kerkûk`ê ku jê re tê gotin: Êraq ya biçûk xebat kiriye û her demê hewl daye gelê xwe tevlî nakokiyên siyasî neke û xiyanetê jî li wan neke.

Balyoz Dr.Mihemed Sabir jî got: Serok Mam Celal roleke girîng di nivîsandina destûra Êraq`ê de û parastina mafên hemû pêkhateyên Êraq`ê û çêkirina hevsengiya di navbera aliyan de lîstiye, Lewra girîng e em li ser riya qefta gulan ya Serok Mam Celal berdewam bin, û hemû hewlên xwe ji bo pêkve jiyanê li  Kerkûk û Êraq`ê bi giştî bidin.

PUKMEDIA