Fraksiyonên Parlamentoyê piştgiriya siyaseta YNK û Serok Bafil dikin

PUKMEDIA

Civînên YNK li Begdayê

Şeş fraksiyonên parlamentoya Iraqê siyaseta Yekîtiya Niştimanî ya Kurdistanê (YNK) bilind nirxandin û piştgiriya xwe bo siyaseta aqilane ya Serok Bafil Celal Talebanî ku xwediyê 98 kursiyên parlamentoyê ye, nîşan dan.

Nûnerên Fraksiyona Dewleta Yasa, Teqdûm, Tesmîm, Esas, Îşraq Kanûn û Xedemet serdana ofîsa Fraksiyona YNKê li Parlamentoya Iraqê kirin û li wê  Kerîm Şukur, Bedriya Husên, Karwan Yarwais û Susan Mensûr bi germî  pêşwaziya wan kirin.

 Li gor zanyariyên PUKMEDIA, Fraksiyona YNKê li Civata Nûneran ragihand: ‘’Nûnerên fraksyonên Iraqî tekezî li ser piştgiriya xwe bo siyaseta aqilane û hevseng a YNKê kirin, bi taybet Serok Bafil Talebanî di proseya siyasî ya Iraqê de, ku berdewamiya felsefeya siyaseta Serok Mam Celal Talebanî ye.’’

Her şeş fraksiyonên 98 kursiyê wan li parlamentoya Iraqê hene, ji wan dewleta yasa 33 kursî, Teqedûm 37 kursî, Tesmîm 5, Esas 3, Îşraq Kanûn 6 kursî û fraksiyona Xedemet  14 kursî hene û roleke wan a giring di Encûmena Nûneran de heye.

Fraksiyona YNKê li gel 6 fraksyonên Iraqî Tekez kirin li ser hemahengî û hevdengiyê li ser biryarên girêdayî jiyan û refaha hemwelatiyên Herêma Kurdistanê û parêzgehên din ên Iraqê, ji ber ku destûra Iraqê garantiya jiyaneke xweş ji bo hemû welatiyên Iraqê ji hemû pêkhateyan e.

PUKMEDIA