Lîsta 129: Dawiyê li peywendinyên navdewletî yên ji bo hizibekî tînin

PUKMEDIA

Lîsta 129 ya Yekîtiya Nîştimaniya Kurdistan`ê (YNK)

Siyaseta çewt ya rêvebirinê û encamên referandum`ê hîna jî li ser Herêma Kurdistan`ê metirsî ye, û Yekîtiya Nîştimaniya Kurdistan`ê (YNK) dixwaze bi riya peywendiyên navdewletî wan metirsiyên li ser herêmê dûr bixe.

Serokê Yekîtiya Nîştimaniya Kurdistan`ê (YNK) li ser riya Serok Mam Celal, giringiyê dide peywendiyên navdewletî ji bo xelkê Herêma Kurdistan`ê ku ev e jî pêgeha Yekîtiya Nîştimaniya Kurdistan`ê (YNK) li welatan bihêz kiriye, Serok Bafil di hemû peyamên xwe de jî tekez li ser peywendiyên dîplomatîk yên YNK`ê dike, û wek berbijêrekî lîsta 129 ya YNK`ê jî dibêje: Bi egera peywendiyên YNK'ê yên digel welatan, ezmûna Herêma Kurdistan`ê û pirsgirêka Kurd li ser asta cîhanê pêşketiye û bandora xwe li rakirina metirsiyên li ser herêmê kiriye.

YNK`ê siyaseteke hevseng peyrew dike

Hêro Berzencî, berbijêra hijmare 48 ya ser bi lîsta 129 ya Yekîtiya Nîştimanî ya Kurdistan`ê (YNK) ji bo hilbijartinên Parlemana Kurdistan`ê li bazineya Hewlêr`ê, ji bo malpera fermî ya Yekîtiya Nîştimanî ya Kurdistan`ê (YNK) PUKMEDIA re ragihand: YNK`ê ji destpêka damezrandina xwe ve heya niha kariye peywendiyên xwe yên navdewletî ji bo netewa Kurd xurt bike,bi taybetî li ser destê Serok Mam Celal, niha jî Serok Bafil rolek e girîng di pêşxistina ezmûna Herêma Kurdistan û doza Kurd de li cîhanê de lîstiye,ji ber wê jî doza Kurd ji bo hemû cîhanê tê naskirin.

Hîro Barzanî dibêje:Serokê YNK’ê heman rola Mam digire di pêşxistina peywendiyên Herêma Kurdistan û YNK’ê digel welatên hevsê, herêm û cîhanê, serdanên vê dawiyê yên Serok Bafil ji bo Îran û Emrîka nîşan dide ku YNK`ê hertimî hewl daye siyaseteke hevseng peyrew bike û peywendiyên xwe li ser bingehê berjewendiyên xelkê Kurdistan`ê ava bike.

Pêgeha YNK`ê li ser Kurdistan, Êraq û cîhanê jî pir bilind e

Peywendiyên YNK`ê di asteke gelek bilind de ne û pêgeha YNK`ê li Kurdistan, Êraq, navçe û cîhanê jî pir bilind e.

Rewand Şehîd Xerîb Helednî berbijêrê hijmare 53 ser bi lîsta 129 ya Yekîtiya Nîştimaniya Kurdistan`ê (YNK) ji bo hilbijartinên Parlemana Kurdistan`ê li bazineya Silêmaniyê ji bo malpera fermî ya ekîtiya Nîştimaniya Kurdistan`ê (YNK) PUKMEDIA ragihand: Serok Bafil her timî hewl daye hevsengiyê di navbera aliyên nakok yên civaka navdewletî de biparêze û em dibînin ku hem diçe Waşinton û Moskow û Îran`l jî, me dît jî ku Serokomarê Îran`ê hemû kevneşopiyên protokolî şikandin û serdana YNK`ê û Serok Bafel kir, ev yek jî vê yekê nîşan dide ku serok komarê Îran`ê hemû urfên protoklan şikand û sardana YNK`ê û Serok Bafil kir ku ev yek wê rastiyê der dixe kuYNK`ê di astek bilind de peywendiyên xwe xurt kiriye û pêgeha YNK`ê pêgehk gelekî bilind e li ser asta Kurdistan û Êraq û deverê û cîhanê jî.

Rewand Şehîd Xerîb Helednî dibêje: Di karnameya lîsta YNK`ê giringiyeke mezin daye peywendiyên derve hatiye dayîn û YNK`ê dê li Parlemana Kurdistan`ê mafên xwe yên rast dê bi dest bixe, hewl dide peywendiyên derve yên Hikûmeta Herêma Kurdistan`ê saz bike, ku heta niha gelek rexne tên kirin û xelk di wê baweriyê de ne ku peywendiyên derve yên hikûmeta Herêma Kurdistan`ê di berjewendiya teng ya aliyekî taybet de ye, lê YNK`ê dixwaze sûdê ji peywendiyên navdewletî yên Hikûmeta Herêma Kurdistan`ê digel civaka navdewletî û welatên hevsê werbigire, ji bo bihêzkirina pêgeha hikûmetê û parastina qewareya destûrî ya herêmê.

Di karnameya lîsta YNK`ê de ji bo sêktera siyasî û dîplomatîk hatiye:

Qeyranên li dûv hevdû metirsiyên li ser qewareya Herêma Kurdistan`ê, encamên referandumê û siwarbûna li ser destkeftan bi riya berjewendiyên teng û tevlîbûna di ecnêdaye herêmayeiyê de, siyaseta hizbîkirina nûneratiyên Kurdistanê, îstismarkirina qada dîplomasiyê ji bo berjewendiyên şexsî û bikaranîna Fermangeha Pêwendiyên Derve weke organeke hizbî,dîplomasiya Kurdistan`ê lawaz kiriye.

YNK`ê Li ser bingehê rêbaz û prensîbên Serok Mam Celal ku endezyarê avakirina peywendiyên giran,û peydakirina peywendiyên dîplomatîk û dostaniya herdemî ye, ji bo vegerandina hevsengiya peywendiyan,vê bernameyê pêşkêş dike:

1-Sererastkirina rêbaza desthilatdariyê li Herêma Kurdistan`ê û pêkanîna hikûmeteke dadperwer û xizmetkar û bidawîkirina desthilata deshilatdar a yek alî.

2- Ji nûve dariştina peywendiyên di navbera Herêma Kurdistan û welatên derdor li ser bingeha berjewendiyên hevbeş û hevseng û nehiştina aloziyên ewlekarî û serbazî yên sînorê Herêma Kurdistan û welatên derdor li ser bingeha berjewendiyên hevbeş û hevseng û çareserkirina pirsgirêkan pirsgirêkan bi riya danûstandinan.

3- Nûnerayetiyên Herêma Kurdistan`ê li welatên hevsê û cîhanê wek saziyek ya nîştimanî, divê ji destêwerdabên hizbî bê dûrxistin.

4-Rêkxistina nûneratiya Hikûmeta Herêma Kurdistan`ê li Bexdayê wek dezgeheke nîştimanî ku xizmeta Herêma Kurdistan`ê bike, ku pilan û rêkarên xwe yên (îdarî, yasayî, dîplomasî) hebe û li ser bingeha wan pilan û rêbazan erkên xwe cîbicî bike. .

5-Dabînkirina azadiya siyasî û hizbî û cî bi cîkirina sîstemeke piralî li Herêma Kurdistan`ê.

6-Danana stratejiyeke nû ji bo rêkxistina peywendiyên di navbera Herêma Kurdistan û hikûmeta federal bi riya danûstandinan û di çarçoveya destûrê de ji bo gihiştin bi rêkeftinekê û çareserkirina pirsgirêka mûçeyên karmendan li herêmê û çareserkirina hemû pirsgirêkên din bi awayekî bingehîn.

7- Çêkirina zemînekî guncaw ji bo parlemana Kurdistan`ê ku wek dezgeheke yasadanan û çavdêriyê ku dûr ji fişarên hizbî, erkên xwe cî bi cî bike.

8- Cîbicîkirina yasayên ku ji aliyê parlemana Kurdistan`ê ve tên derxistin derxistin û peydakirina jîngeheke guncaw ji bo hemû komîteyên Parlemana Kurdistan`ê bi merema çavdêrîkirin, nirxandin û şopandina karên hemû wezaret û saziyên hikûmî yên Herêma Kurdistan`ê.

9- Dariştina destûreke pesendkirî ji bo Herêma Kurdistan`ê.

PUKMEDIA