Şêx Ce`ifer ji bo malbatên şehîdan: Dengê xwe bidin YNKê ji bo hikûmeta giştî

PUKMEDIA

Civîna Şêx Cafer li Silêmaniyê digel beşek ji malbatên şehîdênserbilin şehîdên Silêmanî

Berpirsê Civata Parastina Berjewendiyên Bilind yên Yekîtiya Nîştimanî ya Kurdistan`ê (YNK) Şêx Ce`ifer Şêx Mistefa ragihand ku, pêkhateya Herêma Kurdistan`ê bi xwîna şehîdan hatiye avakirin û berhema xwîna şehîdan e,lewra daxwaz ji kesûkarên serbilind yên şehîdan dikin ku, her kes roja 20ê mehê biçe ser sindoqan û dengê xwe bide lîsteya 129 ya YNK`ê û namzedên ku dê êş û azarên we bigihînin hola parlemanê, "ku ew ji bo çareserkirina wan kar dikin û hewl didin ku hikûmeteke nîştimanî ya Kurdistanê ava bikin, hikûmeteke ku cudahiyê neke navbera bajar û navçeyên cuda.

Ev gotinên Berpirsê Civata Parastina Berjewendiyên Bilind yên Yekîtiya Nîştimanî ya Kurdistan`ê (YNK) di civînek e berfireh de digel malbatên şehîdan yên Silêmaniyê bû ku berpirsa Mekteba Şehîd û Têkoşeran Bilêsa Cebar Ferman,Ziyad  Şehîd Cebar berpirsê rêxistina Silêmaî û Daban Şedele, Cotyar Nûrî û mamosta Cewamêr amade bûn.

Berpirsê civatê behsa lehengiya şehîdan û malbatên wan kir û got: Hûn ew kes in ku di dil û derûniya gelê Kurdistan`ê de xwedî cihekî taybet in, hemû destkeftiyên dîrokî yên gelê me encama fedekarî û xwîna geş yê lawên qehremanên we ne,lewra çi ji bo wan bê kirin jî kêm e û nagihêje dilopek ji xwîna pîroz yên lawên we.

Berpirsê civatê tekez li ser wê yekê kir ku tevî bêkarî û kêmasiyên hikûmetê li herêmê, divê hikûmeta me xwîn û êşa şehîdan û malbatên wan hilgire, û wek çavên xwe wê biparêzin , ji ber ku ev pêkhate hêviya her kurdekî ye,herwaha got:  Roja 20ê meha bê, biçin ser sindoqan û dengê xwe bidin lîsta 129 ya YNK`ê û berbijêrên ku hewla pêkanîna hikûmeta giştî ya Kurdistan`ê didin, hikûmetek e ku cudahiyê naxe navbera bajar û navçeyên cuda.

PUKMEDIA