Piştgiriya Navdewletî ji bo karên demokratîk yên YNK'ê

PUKMEDIA

Partiya Çep ya Swêdê û Partiya Sosyal Demokrat yên Swêdê piştgiriya YNK`ê dikin

Karên demokratîk yên YNK’ê li ser asta navdewletî dengvedana xwe heye û destxweşî û piştevaniya li YNK`ê û Serok Bafil tê kirin, her yek ji Partiya Çep a Swêdê û Partiya Sosyal Demokrat ya Swêdê di du nameyên cuda de ji bilî piştevaniyên xwe ji bo YNK`ê dibêjin:Em di Hilbijartina bê ya Parlemana Kurdistan`ê de hêviya serkeftinê ji bo YNK`ê dixwazin.

Serok Bafil dê peywendiyan Kurdan digel welatan xurt dike

Hastyar Mihemed, berbjêrê  hejmara 21 ya lîsta 129 ya Yekîtiya Nîştimaniya Kurdistan`ê (YNK)  ji bo Parlemana Kurdistan`ê li baziney Silêmaniyê,û pisporê peywendiyên navdewletî ji malpera fermî ya YNK`ê PUKMEDIA re ragihand ku, peyama partiyên siyasî yên Swêdê ji bo YNK’ê û Serok Bafil ku hertim digel proseya demokrasiyê ne, nirxdayîna hewldanên Serok Bafil ya ji bo pêkanîna dadweriya civakî û bidawîkirina desthilatdariya yekdest e bilind nirxandin.

Hestyar Mihemed got: Hertimî hewldanên Serok Bafel ji bo bihêzkirina peywendiyên digel welatên Ewropî bilind tên nirxandin û serok Bafil weke serkirdeyekî siyasî yê Kurd derketiye holê ku peywendiyên Kurdan bi welatan re bihêz dike û pêş dixe.

Partiya Çep ya Swêdê ji Serok Bafil re: Hewldanên we dê bibe egera pêşerojeke geş

Noşî Dadgostar; Serokê Partiya Çep a Swêdê û Ekban Alp endama Komîteya Partiyê û Berpirsa Siyaseta Navdewletî di nameyekê de ku kopiyek ji wê ji bo PUKMEDIA hatiye şandin hatiye: Piştevaniya xwe ji bo serokê YNK`ê Bafil Celal Talebanî dûpat dikin û hêviya serkeftinê di hilbijartina bê ya parlemana Kurdistan`ê de dixwazin û dibêjin: Em pabendbûna we ya ji bo pêşxistina nirxên demokrasî, wekhevî û pêşketinên li Herêma Kurdistan ya Êraq`ê bilind dinrixînin.

Partiya Çep ya Siwêdê di nameya xwe de ku ji aliyê  serok û berpirsa siyasetên navdewletî ve hatiye îmzekirin hatiye gotin: Li ser navê Partiya Çep a Swêd`ê, em germtirîn piştevaniya xwe ji bo dubare dikin ku hûn nêzî hilbijartina Parlemana Kurdistan`ê di heyva Cotmeh`ê dibin, em piştgiriya xwe ya herî germ ji we re diyar dikin û em pêşketinên li Herêma Kurdistan û Êraq`ê bilind dinirxînin, û dibêjin: Dema ku hûn dest bi vê rêwîtiya çarenivîsaz dikin, li ber çavan bigrin ku piştgirîya Partiya Çep a Swêdê ji bo we heye, û em hêvîdar in ku hûn bigihîjin serkeftina ku hûn heq dikin û hêvîdarin ku hewldana we bibe sedema pêşerojeke geştir ji bo hemû Kurdistaniyan.

YNK`ê ji bo partiyên siyasî yên Ewropayê girîng e

 Serok Bafil û Yekîtiya Niştimaniya Kurdistanê (YNK) ji ber wêrekî û peywendiyên wî yên bihêz digel welatan xwedî girîngiyeke mezin e û di vî warî de partiyên siyasî yên Ewropayê pêşerojeke geş ji bo YNK`ê dixwazin.

Heme Şehîd Rêbaz; berbijêrê hijmare 46 li ser lîsta 129 ya Yekîtiya Nîştimaniya Kurdistan`ê (YNK) ji bo Parlemana Kurdistan`ê li bazineya Hewlêr`ê, û pisporê peywendiyên navdewletî û dîplomasiyê, ji malpera fermî ya YNK`ê PUKMEDIA re ragihand: Yekîtiya Nîştimaniya Kurdistan`ê di navxwe û li ser asta navneteweyî de jî partiyeke mezin e û li cem partiyên siyasî yên Ewropayê bi taybetî li Swêd`ê nirxeke xwe ya taybet heye.

Hema[U1]  Şehîd Rêbaz got: Serokê Yekîtiya Nîştimaniya Kurdistan`ê (YNK) Bafil Celal Talebanî, serkirdeyekî wêrek e ku hertimî xemxwarê welat û Kurdistan`ê bûye û girîngî daye peywendiyên navdewletî û diplomasî û ew weke yê ku dikare pêşerojeke geş bide Kurdistanê tê dîtin.

Em ji YNK`ê re serkeftinê dixwazin

Ji aliyê din ve( Magdalena Andersson) Seroka Partiya Sosyal Demokrat a Swêdê di peyamekê de ku ji bo Yekîtiya Nîştimaniya Kurdistan`ê (YNK) şandiye û wêneyekî ji wê ketiye destê PUKMEDIA, hêviya serkeftinê ji bo YNK`ê dixwaze û daxwaza hilbijartinên azad dike.

( Magdalena Andersson) di peyama xwe ya ji bo Yekîtiya Niştimaniya Kurdistanê (YNK)  şandiye dibêje: Beriya hilbijartinên parlemana Kurdistan`ê ez dixwazim serkeftinê ji bo we pêşkêş bikim û dibêje: Peywendiyên di navbera partiyên me de xwedî dîrokeke dûr û dirêj e û ji nirxên me yên hevpar hene, û em di hilbijartinan de serkeftineke mezin dixwazin û li bendê ne ku di pêşerojê de peywendiyên xwe xurtir bikin.

Di vê derbarê de lîsteya YNK`ê di bernameya lîsta hejmara (129) ji bo Hilbijartina Parlemana Kurdistan`ê ya sala 2024 an de hatiye: Pêwîste peywendiyên di navbera Herêma Kurdistan`ê û welatên derve de li ser bingeha berjewendiyên hevbeş û hevseng bin û nûneratiya Herêma Kurdistan`ê li welatên hevsê û cîhanê weke saziyeke nîştimanî ya resen ji nû ve bên dariştin daku nûnerayetiya rasteqîne ya Herêma Kurdistan`ê be û ji destêwerdanên hizbî bê dûrxsitin.

PUKMEDIA