YNK`ê bi piştevaniya xelkê dê rêbaza rêveberiyê sererast bike

PUKMEDIA

Hejmara lîsta YNK`ê ya ji bo hilbijartinê

Armanca Yekîtiya Nîştimaniya Kurdistan`ê (YNK`ê) guhertin û çaksazî ye di rêbaza rêveberiyê de û li ser bingehê peyama Serok Bafil ku arasteya dengdêran kiribû têde hatiye ku YNK`ê kar ji bo bidawîkirina hemû ne dadweriyan dike ku hêzeke siyasî bi yekdestdariya deshelatê encam dide ,di wê derbarê de berbijêrekî YNK`ê yê ji bo Hilbijartina Gera Şeşem ya Parlemana Kurdistan`ê got: Karên berê yên YNK`ê  selamandiye ku ew yekane hizb e ku li Herêma Kurdistan`ê dikar guhertinê bike.

Serok Bafil: Deng bidin ew kesê ku tiştekî dibêje û dike

Di peyama Bafil Celal Talebanî Serokê Yekîtiya Nîştimaniya Kurdistan`ê (YNK`ê) ku arasteya dengeran kiribû hatiye: Deng bidin ew kesî ku tiştekî dibêje û dike, eger hûn dixwazin guhertinên rasteqîne bikin roja 20 Cotmeh`ê derfet e, deng bidin ew hizbê ku dikare Kurdisan`ê rêk bixe ku jiyana we baş bike.

Dawiyê bi ne hevsengiya hêzê tînin

Hîwa Ebdulrehman,berbijêrê hijmare 22 li ser lîsta 129 ya YNK`ê ji bo Parlemana Kurdistan`ê li bazineya Hewlêr`ê ji malpera fermî ya YNK`ê PUKMEDIA re ragihand: YNK`ê dê dawiyê li ne hevsengiya hêz û yekdestariya samana vî welatî bîne,YNK`ê soz daye ku carek din nehêle li Parlemana Kurdstan`ê çi biryar û yasayek derbaz bibe eger ne di berjewendiyên xelkê Kurdistan`ê de be.

Hîwa Ebdulrehman got: Emê dawiyê li hemû ne dadweriyan bînin ku hêza siyasî ya desthilatdar li Herêma Kurdistan`ê dixwaze peyrew bike û hevsengiya hêzê vegerîne û proseya ku li ser welatiyên herêmê hatiye sepandin ber çavan e û welatî dizanin kî dê biguhere bê guman tenê YNK`ê ye. 

Serok Bafil miroveke ku sozên xwe bi cîh tîne

Yekîtiya Niştimaniya Kurdistanê (YNK) weke hêzeke bi bandor li Herêma Kurdistan, Êraq û navçeyê dê biryara guhertina rêveberiya herêmê bide û ji bo vê yekê jî pêwîstiya wê bi piştevaniya gelê Kurdistan`ê heye.

Îdrîs Salih Berbijêrê hijmare 13 di lîsta 129 ya YNK`ê de ji bo Parlemana Kurdistan`ê li bazineya Silêmaniyê ji PUKMEDIA re ragihand: YNK niha biryarên bihêz dide û emê piştevaniya vê guhertina hikûmetê bikin jiber ku xelkê Herêma Kurdistan`ê hêjayê xizmetkirinê ye, ne sizakirinê ye.

Îdrîs Salih got: YNK`ê dixwaze rêbaza rêveberiya Herêma Kurdistan`ê biguherîne û bi vî awayî zêdetir xizmeta welatiyan bike, ji ber wê jî xelkê Herêma Kurdistan`ê hêvî dikin ku Yekîtiya Nîştimaniya Kurdistan`ê (YNK`ê) guhertinê pêk bîne, ji ber ku Serok Bafil weke kesê cîbicîkarê sozan tê naskirin, lewra xelk hêviya guhertinê ji wî dikin.

YNK`ê yekane hizb e ku dikare guhertinê bike

Hêviya xelkê Kurdistan`ê bi YNK`ê ye ku guhertinên rasteqîne di rêveberiya Herêma Kurdistan`ê de bike û di wê baweriyê de ye ku YNK`ê di rewşên hestiyar de hertimî bibû hêviyek ji bo xelkê, û li ser vê bingehî jî çaveriya çaksaziya rêveberiyê jê dikin.

Reqîb Mehmûd, berbijêrê hijmare 5 yê lîsta 129 ya YNK`ê ji bo Parlemana Kurdistan`ê li bazineya Duhok`ê, ji malpera fermî ya YNK`ê PUKMEDIA re ragihand:Kar û helwestên berê yên YNK`ê selmandiye ku hertimî YNK`ê destpêşxer bûye ji bo guhertinan û her demê hêviya Kurd bi YNK`ê hebûye, ji bo îro jî hêviyek zaf bi YNK`ê heye ji bo serrastkirina rêbazê rêveberiyê li herêmê ku xelk bi wê ve girêdayî bûne.

Reqîb Mehmûd got, Yekîtiya Nîştimaniya Kurdistan`ê (YNK`ê) dikare pirsgirêkên mûçe û pirsgirêkên di navbera Herêma Kurdistan`ê, Bexda yên yê digel welatên hevsê çareser bike, ji ber wê jî YNK`ê dê di vê hilbijartinê de daxwaza baweriya zêdetir ji welatiyan bike; ku bibe hizba yekem li Herêma Kurdistan`ê û çaksaziyê encam bide û sozên ku dide cî bi cî bike.

Biryare roja 20`ê Cotmeha sala 2024 an Hilbijartina Gera Şeşem ya Parlemana Kurdisan`ê birêve biçe, Yekîtiya Nîştimaniya Kurdistan`ê (YNK) jî bi riruşma (Emê Bi Dawî Bikin) bi lîsta 129 û bi 172 berbijêran ku bi ser 4 bazineyan dabeş bûne dê beşdarî hilbijartinê bibe, û hemû hewlek wan ji bo serrastkirina rêbazê çewt ya rêveberiya herêmê ye.

PUKMEDIA