Serok Bafil: Em ber bi qonaxeke nû ya rêveberiyê ve diçin

Ragihandina Serokê YNKê

Serok Bafil û Balyozê Hollanda yê nû

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Janet Alberta Balyoza nû ya Holanda li Iraqê kir.

Di civînê de rewşa giştî ya Herêma Kurdistanê, Iraq û Rojhilata Navîn hate gotûbêjkirin û tekez li ser çareserkirina aştiyane ya pirsgirêkan û parastina aramiya navçeyê hat kirin.

Serok Bafil Celal Talebanî amaje bi rola YNKê di çareserkirina pirsgirêkên navbera Hewlêr û Bexdayê de kir û got ku hemû hewl bo parastina mafên destûrî yên Herêma Kurdistanê û dûrxistina jiyana gelê me ji nakokiyan tê kirin. Em di wê baweriyê de ne ku bi hemahengî û xebata hevbeş em dikarin zêdetir xizmeta gel bikin û welat ber bi geşbûnê ve bibin.

Di derbarê hilbijartinên Herêma Kurdistanê de jî Serokê Bafil Celal Talebanî got ku, em ber bi qonaxeke nû ya hukimdarî û îdareya saxlem ve diçin, qonaxeke ku jiyana xelkê û bihêzkirina herêma me armanca rasteqîne ye û em dixwazin bêedaletî û cudahiyê bi dawî bînin.

Pêşhatên ewlehî û rewşa Xezeyê mijareke dinê vê hevdîtinê bû, her du al tekîd li ser pêwîstiya yekkirina hewlan û dûrxistina navçê ji nakokî û aloziyan kir.

PUKMEDIA