Serok Bafil: Ji bo çareserkirina pirsgirêkan baştirîn bijarde diyalog e

PUKMEDIA

Serok Bafil Talebanî

Serokê Yekîtiya Niştimanî ya Kurdistanê Bafil Celal Talebanî ji bo 10 Kongreya Partiya Yekîtiya Demokratîk (PYD) peyamek şand.

Serok Bafil Celal Talebanî di peyama xwe de wiha got: Birêz rêhevalên me yên Partiya Yekîtiya Demokrat (PYD), bi boneya dehemîn konferansa partiya we ya têkoşer, ez bi navê xwe û bi navê Yekîtiya Niştimanî germtirîn pîrozbahî li we dikin û bextewerî û serkeftinê ji we re dixwazim.

Got jî: Konferansa we di rewşek hestyar de hat lidarxistin, ji ber ku herêma me û Rojhilata Navîn di zehmetiyên mezin re derbas dibin û ji her demê zêdetir pêwîstiya me bi hemahengî û karekî hevbeş heye bo parastina mafên xwe yên netewî û destkeftên bidestxistî.

Serokê Yekîtiya Niştimanî ya Kurdistanê got: Em di wê baweriyê de ne ku ti pirsgirêkek ku bi diyalogê neyê çareserkirin tine ye, baştirîn bijarde ji bo guhertinên ku derdikevin pêş, çareseriya aştiyane û danûstandine, wek ku çawa em dibêjin aramî li rojhilata navîn pêk nayê bêyî çareserkirina pirsgirêka kurd, ez hêvî dikim ku hemû alî vegerin ser maseya diyalogê û baweriya me bi pêkvejiyan û karê hevbeş heye ku em bibin qrtaq ne dijmin.

Got jî: Birêzan di kongreya Partiya Yekîtiya Demokrat (PYD) de, ez piştrast im ku hûn dê di vê ezmûnê de jî bi ser bikevin. Em hêvî dikin ku pêşniyar û biryarên we xizmetê ji armancên bilind ên gelê Kurd û jiyana hevbeş a hemû gelan re bikin.


PUKMEDIA