Şêx Ce`ifer: Teror hîna metirsî ye li ser asayîşê

Nivîsingeha Ragihandina Şêx Ce`ifer Şêx Mistefa

Şêx Ce`ifer Şêx, Raid Chris Raingans

Îro roja Yekşemê rêkefta 22-09-2024 an; rêzdar Şêx Ce`ifer Şêx Mistefa; Cîgirê Serokê Herêma Kurdistanê pêşwazî li bi rêzdar (Raid Chris Raingans) Serpereştyarê Rêxistina Fîrqeyên Wezareta Pêşmerge di çarçoveya rêkeftina di navbera Wezareta Parastin ya Emrîka û Wezareta Pêşmerge de kir.

Di civînê de behsa pêşketinên dawî yên di warê çaksaziyên Wezareta karûbarên Pêşmerge û yekxistina hêzên Pêşmerge de hat kirin; her wiha her du aliyan ronahî xistin ser pêngav û pêşveçûnên di warê çaksaziya hêzên Pêşmerge de; wek beşek ji pabendbûna hevbeş jibo yekxistina hêzên Pêşmerge li jêr sîwana Wezareta Karûbarên Pêşmerge di çarçoveya rêkeftina di navbera Wezareta Parastin ya Emrîka û Wezareta Pêşmerge de.

Di civînê de ku bi amadebûna rêzdar Lîwa Rukin Rêbwar Fermandeyê Fîrqeya Duyem ya Hêzên Pêşmerge hat lidarxistin, her du aliyan  tekez li ser bilezkirin û pêşvebirina proseya çaksaziyê û yekxistina hêzên Pêşmerge kirin; jibo hêzek yekgirtî ya nîştimanî; her weha her du alî hevra bûn ku terorîstên DAIŞ`ê hîna metirsî ye li ser aramiya û asayîşa deverê; lewra alîkarî û hemahengî ya Pêşmerge û Artêşa Êraq`ê bi palpiştiya Hevpeymana Navdewletî ya li dijî DAIŞ`ê di vê demê de bi girîng zanîn.

PUKMEDIA