Encumena Nûneran deng li ser projeyasaya vegerandina milkan bo xwediyên wan dide

Kurdistan 12:08 PM - 2024-09-16

Encumena nûnerên Êraqê

Biryare îro Duşemî 16/9/2024ê Parlamentoya Êraqê deng li ser proje yasaya “Vegerandina milkan ji xwediyên wan re ku di çarçoveya hin biryarên Encumena Serkirdeyetiya Şoreşê ya hilweşiyayî de ne, bide.

Li gorî rojeva rûniştina dehan ya dewra duyemîn a yasayî ku ji aliyê dezgeha ragihandinê ya encumena nûneran ve hat weşandin, di xala yekem a wê de dengdana li ser proje yasaya vegerandina mal û milk ji xwediyên wan re hatiye girtin. Xala duyemîn a rûniştinê jî ji bo “Dengdana li ser pirojeyasay bi kirêkirina zeviyên çandiniyê” hat veqetandin.herweha wê xwendina duyemîn li ser projeyên din bikin.

Yekîtiya Niştimanî ji bo vegerandina maf ji xwediyan re dixebite

 

Yekîtiya Niştimanî ya Kurdistanê di vê dawîyê de hewlên bêrawestan dabû ji bo derxistina proje yasaya vegerandina milkan bo xwediyên wan bi taybetî li parêzgeha Kerkûkê û navçeyên nekok.

Nûnerê Yekîtiya Niştimanî Xerîb Ehmed ji PUKMEDIA re ragihand: Yekîtî xwestiye û bi berdewamî hewl dide ku biryarên Encûmena Serkirdayetiya Şoreşê ya hilweşiyayî bi rêya Civata Nûneran ku li dijî welatiyên Kurd li navçeyên nakok hatibû derxistin, betal bike.

Mal û milkên ku ji xwediyên xwe yên resen re hatine vegerandin, li gorî 8 biryarên ku ji aliyê Encûmena Serkirdayetiya Şoreşê ve hatiye hilweşandin di salên 1975-1979 de hatibûn desteserkirin û armanca wê pêkanîna guhartina demografî bû li deverên nekok û yên ku ziyan ji wê yekê girtine welatiyên kurd û tirkmen bûn.

Berpirsê Desteya Bilind a Herêmên Kurdistanê yên li derveyî îdareya Herêma Kurdistanê Fehmî Burhan di daxuyaniyekê de ji PUKMEDIA re gotibû: Armanca yasayîkirina qanûnê hilweşandina biryarên Encûmena Serkirdayetiya Şoreşê ya hilweşiyayî ye û vegerandina mafên xwediyên wan ên mexdûrin.û got tenê li Kerkûkê zêdetirî 130 hezar donim zeviyên çandiniyê ji xwediyên kurd re hatine desteserkirin û ew zeviyên çandiniyê yên hatine desteserkirin li deverên Serkeran, Topzawa, Daqûq û heta nav bajarê Kerkûkê ne û welatiyên Kurd û Tirkmen jî ji ber van biryaran zirar dîtine.

PUKMEDIA