Monumênta Parêzvanên Rastiyê nav û peyama azadiyê zindî dihêle

PUKMEDIA

Monumênta Şehîdên Rastiyê

Piraniya şehîdên rojnamevanên Bexda û Hewlêrê di Monumênta Parêzvanên Rastiyê de hatine tomarkirin.

Parêzvanên Rastiyê ji Silêmaniyê çêroka şehîdbûna 551 rojnamevanan vedibêj in; ku li seranserî Êraq û Herêma Kurdistan`ê ji bo gihandina rastiyê û zanyariyan canê xwe bexşîne;nav û qurbaniyên wan li ser Monumênt ya Parka Azadî hatine xêzkirin ku ewê her û her zindî bimînin.

Bav û birayê min di bin erdê de ne, lê navên wan li Silêmaniyê zindî ne

Îsmaîl Tahir û Emar Îsmaîl Tahir El lamî navên wan di rêzbendiya sala 2004 an de ne ku di monumêntê hatine xêzikirin; di wê salê de 68 rojnamevan li Bexdayê bûne qurbanî ku Îsmaîl û Emar bav û kur in.

Silêmanî bajarekî bi azadiya ramanê tê naskirin

Yasir Îsmaîl Serokê Dezgeha Nîlê ji bo Rahênana Ragihandinê ku yek ji malbatên şehîdan e, bi coş ji PUKMEDÎA re axivî û got: Min; Îsmaîl Tahir bavê xwe û Emar Îsmaîl birayê xwe wek du rojnamevan li ser monumêntê dîtin; ez serbilind bûm ku birêz Qubad Talebanî pêşkêşî me kir ku ew tiştekî mezin e wek rêzgirtinekê ji bo giyanê wan rojnamevanên şehîd yên ku xwe ji bo ragihandina rastiyê feda kirine.

Yasir Îsmaîl got: Monumênt ji her tiştekî din cudatir e ku ew bîranîna qurbaniyan ji bo dîrokê diparêze, ku ne tenê di çarçoveya konferans, cihên girtî û bîranînên kevneşopiyê de dimîn in,ev monumênt dê bilind bimîne û min hest bi şermezariyê kir û dema ku ez serdana Silêmaniyê bikim, bê guman ezê biçim serdana vê monumêntê ya bajarê Silêmaniyê ku bi azadiya derbirînê tê naskirin

Ji bo komkirina navên rojnamegerên şehîd 18 meh in kar tê kirin

Li kêleka monumêntê, li heman parkê Platforma Azadiyê heye, ku Rewanşad serokê Mam Celal biryar dabû ku ava bikin daku bi serbestî û azadiyane rexne li hemû kêmasiyan bigir in, di serî de Mam Celal jî; monument jî hizra Qubad Talebanî kurê wê serokê mezin e bûye , hevdem proje gelek pêwîstiya xwe bi gelek tiştan hebû lewra tîmekê zêdetirî 18 heyvan bi wê yekê mijûl bû; jiber ku pêwîstiya wan bi zanyariyan ji 19 parêzgehan hebûn.

Qubad Talebanî xwedanê vê ramanê ye

Dana Esed ; Serpereştyarê Projeya Monumentê ji malpera fermî ya Yekîtiya Niştimaniya Kurdistan`ê (YNK) PUKMEDIA re ragihand: Cîgirê Serok Wezîran; Qubad Talebanî xwedanê vê hizrê ye û nêzîkî 18 heyvan kar têde hate kirin û pêdaçûnên hûr ji bo komkirina navên rojnamevanên şehîd li tevaya parêzgehên herêm û Êraq`ê hatine kirin.

Monumênt navên rojnamevanên şehîd zindî dihêle

Dana Esed got: Ev monument; rojnamevanên ku ji wê demê ve li Êraq û Herêma Kurdistan`ê şehîd bûne bi bîr tîne; ev rêzgirtinekê ye ji bo wêrekî û pabendbûna wan bi gihandina rastiyan û hewldanek e ji bo parastina mîrata xwe û zindî hîştina navên wan bo heta hetayî.

Li gor pêdaçûna rojnamevanî ya PUKMEDIA, ji koma 551 rojnamevanên ku li Êraq û Herêma Kurdistan`ê şehîd bûne, tenê 20 rojnamevan li Herêma Kurdistan`ê bûne qurbanî û 531 rojnamevanên din jî li seranserî bajarên din yên Êraq`ê şehîd bûne.

Ji hejmara giştî ya şehîdan 23 rojnamevanên biyanî ne

Serpereştyarê Projeyê; Dana Esed got: Navên şehîdan ji Duhok`ê heta Besra hatine komkirin û dabeşkirina şehîdan li gorî cihê ku di dema karkirinê de şehîd bûne; ku ne li gorî nasnameyan wan in.

Dana Esed aşkere kir ku, di nava qurbaniyên ragihandina rastî û azadî û pîşeya rojnamegeriyê de 551 kes şehîd bûne; ji ber vê yekê cudahî ne hatiye kirin û di nava şehîdan de tenê 23 rojnamegerên biyanî ne; sedema sereke ya hejmara zêde ya şehîdên ku di dema şopandina di bereyên cengê de şehîd bûne.

Di sala 2006’an de herî zêde rojnamevan şehîd bibûn

Li gor zanyariyên PUKMEDIA ku li ser hejmara şehîdan li gor sal û parêzgehan kiriye,li her 19 parêzgehên Êraq û Herêma Kurdistan`ê ew rojnamevan şehîd bûne, ku herî zêde di sala 2006 an de 114 rojnamevan şehîd bûne lê di salên 2021-2022 an çi rojnamevanek şehîd nebûye.

Di hejmara rojnamevanên ku şehîd ketine de Bexda li pêş hemû Êraq`ê ye

Her girêdayî rojnamevanên şehîd li ser asta 19 parêzgehan zaftirîn rojnamevanên şehîd bûne li Bexdayê ne ku 286 rojnamevan bûn, û kêmtirîn jî li Helebce, Meysan û Qadisiye bûne ku li her parêzgehekê yek şehîd bûye.

Sendîkaya Rojnamevanên Êraq`ê: Ev monumênt xwedî nirxek e exlaqî ye

Sena Niqûş; Seroka Beşê Şehîd û birîndaran li Sendîkaya Rojnamenên Êraq`ê ji PUKMEDIA re ragihand ku; monumênt xwedî nirxeke exlaqî ya bilind e ji bo bîranîna wan rojnamevanên ku ji bo ragihandina rastiyê û parastina azadiyê canê xwe bexşîn e.

Sena Niqûş: Monumênta şehîdên Rastiyê fikreke ramana Qubad Talebanî ye

Sena Niqûş got: Ev monumênt destpêşxerî û ramaneke yekta ya Qubad Talebanî ye; û riyek nûjen û watedar e ji bo azadî û rêzgirtin li qurbaniyan; her weha hilbijartina Silêmaniyê ji bo vê projeyê herî guncaw e, ji ber ku Silêmanî bajarê azadî û rexneyê ye, herî kêm destdirêjî û girtina rojnamevanan li wî bajarî hene; û hemû tevger û ramanên cuda li xwe digire, her weha ew bi bajarê azadiya raderbirînê tê naskirin; ku bîr û hizrên cuda têde hene û dengek wî heye ku her gavê rastbêj e.

Di 20 salan de 20 rojnamevan li Herêma Kurdistan`ê şehîd bûne

Hejmara şehîdên 20 salên borî heta sala 2024ê, 20 rojnamevan li Herêma Kurdistan`ê şehîd bûne, ji wan 12 rojnamevan li Hewlêr`ê şehîd bûn û herî kêm jî li parêzgeha Helebce ku 1 rojnamevan şehîd bûye; 5 ji wan li parêzgeha Silêmaniyê ne, ya herî dawî 2 rojnamevanên keç bûn ku di encama hêrîşeke firokeyên bê firokevan yên Turkiyê de li nêzîkî devera Erbet şehîd bûn ; her weha 2 rojnamevan jî li Duhok`ê şehîd bûne.

Malbata Şehîd Wîdad Hisên: Bi Monumênta Şehîdên Rastiyê em kêfxweş in

Azad Husên birayê şehîd Rojnamevan Wîdad Hisên ji PUKMEDIA re got: Pêngava avakirina vê monumêntê gaveke gelekî pîroz e û em jî wek malbatên şehîdên rojnamevanan bi xêrhatina vê pêngavê dikin ; ku Yekîtiya Niştimaniya Kurdistan`ê di hemû waran de gavên baş û bi berhemdar diavêje lewra em ji bi avakirina wê monumêntê gelek kêfxweş bûn.

Rojnamevanên şehîd wê zindî bimînin û kujer dê şermezariyek e heta hetayî bimîn in

Got jî: Ev piroje gelekî xweşe ku navên şehîdên rojnamevan ji seranserî Êraq`ê têde hene; ku ev destaneke mezine ji alîyê birêz Qubad Talebanî ve ji bo zindîkirina bîranîna şehîdên rojnamevan hatiye kirin.

Silêmanî bajarê azadiyê ye

Azad Husên dibêje: Silêmanî bi azadîya bîr û ramanê û azadîya derbirînê tê naskirin û bajarekî kevnar e di warê azadiya ragihandinê de û ew bajarekî zindî ye û dê her wusa jî bimîne.

Got jî: Em wek malbatên rojnamevanên şehîd gelek keyfxweş bûn bi hilbijartina bajarê Silêmanîyê ji bo avakirina vê monumêntê, ku bîranîna rojnamevanên şehîdan e û her demê dê mîrata wan biparêze.

Li parêzgeha Kerkûk`ê ku yek ji bajarên nakok yên madeya 140 ya destûra Herêma Kurdistan`ê û Êraq`ê ye, 23 rojnamevan li wî bajarî şehîd bûne.

Li ser monumêntê barkodek heye, ji bo ku agahî, data û hûrguliyê bi wan kesan bide ku serdanê dikin,û  ji bo vê çendê jî malperek taybet bi navê Parêzvanên Rastiyê hatiye dirustkirin.

Bi dîjîtakirina zanyariyên qurbaniyan ew proje zindî dibe

Birwa Osman yek ji Endamên Tîma Monumêntê û Serperiştiya wê Malperê ye; ji malpera PUKMEDIA re ragihand: Malper û dîjîtalkirina agahiyên qurbaniyan egerek e girîng û nûjen e ji bo zindîkirina wê projeyê; jiber ku ew navên berfireh, agahiyên kesîtî li xwe digire û xebata xwe di wê çarçoveyê de didomîne.

Ji sedî 85 agahiyên berfireh derbarê şehîdan de hene û ji bo temamkirina agahiyên ku rojnamevanên şehîd di kîjan ajans û kanalan de kar kirine û ji aliyê zayendî de ji hev cuda ne maye; her weha Ji aliyê zayendî ve tu cihêkarî ne hatiye kirin, di vî warî de xebat hîna tên kirin; û piştre xebatên derbarê qurbaniyan dê bên weşandin.

Qubad Talebanî: Em hêvîdar in ku navekî din li vê monumêntê neyê zêdekirin

Qubad Talebanî ; Cîgirê Serok Wezîran roja 14ê Îlon ya sala 2024an de di merasîma vekirina projeyê de; hêvî xwest ku navekî din li vê monumêntê neyê zêdekirin; di demekê de ku navên dawîn ku di lîsta îsal de hatin tomarkirin ku her du rojnamevanên keç (Gulistan Tara û Hêro Bahadîn) bûn ku li Silêmaniyê ji aliyê balafirên bê mirov yên dewleta Turkiye ve hatin şehîdkirin; Qubad Talebanî yek ji kesayetên siyasî û desthilatdar e ku ji bilî piştevaniya wî ya bihêz ji bo azadiya rojnamevaniyê, piştevanekî baş e jî ji bo rojnamevanan û raste rast destwerdanê di pirsgirêk û astengiyan de dike; û alîgiriya rojnamevan û azadiyê dike û dibêje: (Rojnamegerên şehîd wê nemir bimîn in û mîrata kujeran jî şermezariyek heta hetayî ye).

PUKMEDIA