C.Xelayî: Hilbijartina Parlemana Kurdistan`ê nayê paşdaxistin

PUKMEDIA

Parlemana Kurdistan`ê li benda hilbijartinan ye

Komisyona Bilind ya Serbixwe ya Hilbijartinan ragihand ku ew gotegotên derbarê paşdaxistina hilbijartinên Parlemana Kurdistan`ê ne rast in; û tekez kir, ku di dema xwe ya diyarîkirî de dê bê lidarxistin;endamekî serkirdayetiya YNK`ê jî dibêje: Hilbijartin di dema xwe de dê bê encamdan; û gotegotên derbarê paşdaxistina wê ji aliyên ku ji hilbijartinan ditirsin ve tên belavkirin.

Hilbijartin di dema xwe de dê bê encamdan

Cûmane Xelayî ; Berdevka Komisyona Bilind ya Serbixwe ya Hilbijartinên Êraq`ê di daxuyaniyekê di ji bo malpera fermî ya Yekîtî ya Nîştimanî ya Kurdistan`ê (YNK) PUKMEDIA derbarê hilbijartinên Parlemana Kurdistan`ê ragihand ku, Komisyona Bilind ya Serbixwe ya Hilbijartinan pabend e bi biryarnameya herêmê ku roja 20ê Cotmeh ya sala 2024`an wek roja lidarxistina hilbijartinan destnîşan kiribû; û ji bo wê yekê jî ew amade ye ji bo proseya hilbijartinan û pêngavên mezin hatine avêtin wek amadekariyên ji bo proseya hilbijartinê.

Cûmane Xelayî got: Komîsyon li gorî pîvanên navdewletî li ser karên xwe berdewam e; û babeta paşdaxistina Hilbijartinên Parlemana Kurdistan`ê ji aliyê Komîsyona Hilbijartinan ve nayê dîtin.

Civata Komîseran dê biryara roja bangeşeyê bide

Berdevka Komisyona Bilind ya Serbixwe ya Hilbijartinên Êraq`ê di daxuyaniyekê di ji bo malpera fermî ya Yekîtî ya Nîştimanî ya Kurdistan`ê (YNK) PUKMEDIA ragihand ku, Dadwer Omer Ehmed Mihemed, Serokê Desteya Civata Komîseran hîna çi rojek ji bo destpêkirina bangeşeya hilbijartinan eşkere ne kiriye, jiber ku ev biryar bi biryara yekdengiya Civata  Komîseran dibe; û got: Em niha di qonaxa hûrbîniyên datayên berbijêran de ne ji aliyê lêpirsînê ve, navên ku di Komîseriyê de tên komkirin û ji bo pesendkirina wê, ji bo Civata  Komîseran tên şandin; û piştî bi dawîbûna pesendkirina wê yekê; ew berbijêr mafên wan hene ku beşdar bibin di hilbijartinan; û Civata Komîseran dê roja bangeşeya hilbijartinê diyarî bike.

Salar Serhed ;Endamê Civata Serkirdayetî ya Yekîtî ya Nîştimanî ya Kurdistan`ê (YNK)  di hevpeyvînekê de ji bo PUKMEDIA ragihand ku, ew wek Yekîtî ya Nîştimanî ya Kurdistan`ê (YNK) ji bo Hilbijartinên Parlemana Kurdistan`ê amade ne û got: Ew prose nayê paşdaxistin û em pabend in bi rênmayên komîsyonê yên derbarê hilbijartinan de.

Ji bo encamdana hilbijartinan fişarên navdewletî hene

Salar Serhed aşkere kir ku hilbijartin di dema xwe ya diyarîkirî de roja 20`ê Cotmeh ya sala 2024 an dê birêve biçe; û fişarên navdewletî jî hene ji bo encamdana hilbijartin; û tekez kir ku YNK`ê dixwaze hilbijartin di dema xwe de bê encamdan.

Li gor Dr. Îmad Cemîl Serokê Tîma Ragihandinê li Komîyeriyê , duh roja Înê, Komisyona Bilind ya Serbixwe ya Hilbijartinan ji bo amadekariyên hilbijartinên Parlemana Kurdistan`ê têsta navgîna ragihandinê encam da, wek amadekariyekê ji bo Hilbijartinên Parlamena Kurdistan`ê, ku ev proseya dawîn ya û têstkirina amêrên navgîniya ragihandinê ye ku ji aliyê Komîsyona Bilind ya Serbixwe ya Hilbijartinan ve ji bo amadekariyên Hilbijartinên Parlemana Kurdistan`ê tên kirin.

PUKMEDIA