Şêx Cefer: Pêşmerge xwediyê destkeftiyan e

PUKMEDIA

Civînên YNK gel Pêşmerge

Serokê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) rol û bandora Pêşmergeyên qehreman bilind nirxand û ji wan re got;“Hûn şehîdên zindî yên ku fedakariya herî mezin nîşan didin, xwediyên destkeftiyên piştî serhildanê ne.’’

Serokê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) Şêx Cefer Şêx Mistefa li baregeha encûmenê bi amedebûna Qubad Talebanî Endamê Mekteba Siyasî Siyasî û serpereştiyarê sekrêtariya Serok Mam Celal  ,Berdevkê Yekîtiya Niştimanî ya Kurdistanê (YNK) Saadî Ehmed Pîre, berpirsa baregeha rêxistina pêşmerge Wasta Resûl ,rêheval Cewamer û Cûtîar Nûrî gel  tekoşêrên Hêzên yêdek n Pêşmergeyên Kurdistanê civiya.

Piştre jî serokê encumenê tekezî li ser helwesta serok û serkirdayetiya YNKê ya bê guhertin û prensîp li ser pêwîstiya yekrêziyê kir.Her wiha daxwaz kir ku artêşeke yekgirtî ya Kurdistanê were avakirin ji bo parastina herêmê ji her metirsiyekî.

Paşê endamê Mekteba Siyasî Qubad Talebanî kêfxweşiya xwe ya ji bo hevdîtina li gel şervanên hêza yedek nîşan da û balkişand li ser pêgeha giring ya hêzê di parastina saziyên herêmê de, pêşhatên dawî yên li Herêma Kurdistanê û giringiya wê û  rola YNKê di vî warî de eşkere kir.

Talebanî tekez kir:“Îro ji her demê zêdetir YNK xwedî yek deng, yek helwest û yek axaftinê ye, ku ev yek jî li ser asta herêmê û Iraqê pêgeha xwe bihêztir kiriye û serkeftinên YNKê yên li pey hev li Mûsil, Kerkûk û Bexdayê nîşana yekrêziya nav YNKê ye û tê pêşbînîkirin ku ev yek di hilbijartinên bê yên parlamentoya Kurdistanê de jî berdewam be.’’

PUKMEDIA