Derbaz Kosret Resûl: Kak Kosret kelha wêrekî û berxwedanê ye

Rûpela Taybet ya Derbaz Kosret

Kosret Resûl Elî

Derbaz Kosret Resûl, di 29 ehemîn salroja hêrişkirina ser karwana otombêlên Kak Kosret de ji aliyê terorîstan ve,radighîne ku, Kak Kosret wek kelaha wêrekî û berxwedanê rawestaye û bi biryardarî qehremaniyê dibexşe.

Derbaz Kosret Resûl, Endamê Mekteba Siyasî ya Yekîtî ya Nîştimanî ya Kurdistan`ê (YNK`ê ) ragihand ku Kak Kosret ruhekî xweragir ku şikestinê vediguherîne bo hêzê, û wek kelha wêrekî û berxwedanê rawestaye, û ruhê qehremantiyê dixemilîne û bi biryardarî lehengiyê dibexşe.

Derbaz Kosret Resûl dibêje:Di rojeke wek îro de, beriya 29 salan roja Pêncşema 7ê Îlon ya sala 1995 an demjimêr 9 û 45 deqeyan, ku wê demê Kak Kosret Resûl Serokê Hikûmeta Herêma Kurdistan`ê bû, di dema çûna bo Civata Wezîran ya Hikûmeta Herêma Kurdistan`ê li bajarê Hewlêr`ê de, bombeyek çandî ya terorîstan bi karwana otombêlên wî ve li cadeya 60 metrî ya bajarê Hewlêr`ê ku wê demê jêre digotin (Çar riyane Eyn Kawe) ye ku niha cihê Wezareta Dad ya hikûmeta Herêma Kurdistan`ê ye; teqiya.

Di nivîsa Derbaz Kosret Resûl de hatiye: Kak Kosret di vê karesatê de ji kendalê mirinê rizgar dibe, lê mixabin 9 kes ji desteya parêzgariya Kak Kosret bûn qurbanî ku di nava wan de 4  kes şehîd û 5 kesên din jî bi giranî birîndar bûn; navên şehîdan wiha ne: (şehîd Mewlûd, şehîd Selîm, şehîd Ehmed, şehîd Rizgar) û navên birîndaran jî wusa ne : (Hîwa, şehîd Haşim, Nebez, Şêrwan, Mihemed); serbilindî ji bo şehîdên wê karesatê ku hertimî di bîranînên me de zindî ne.

PUKMEDIA