Firaksyona YNK:Divê rola NY di biserxistina hilbijartinê de hebe

PUKMEDIA

Civîna Şandiyê Neteweyên Yekbûyî digel nûnerên firaksyonên Kurdî li Parlemana Êraq`ê

Şandiyê Neteweyên Yekgirtî ji bo Pêdawîstiyên Hilbijartinê, sardana Civata Nûnerên Êraq`ê kir û digel hejmrek parlementeran civiya, nûnerayetiya firaksyona YNK`ê jî dibêje: Me daxwaz ji Neteweyên Yekgirtî kir ku roleke wan ya çalak  hebe di biserxistina piroseya Hilbijartina Parlemana Kurdistan`ê de.

Nûnerayetiya Firaksyona Yekîtî ya Nîştimanî ya Kurdistan`ê di daxuyaniyekê de ku kopiyek ji wê ji bo malpera fermî ya Yekîtî ya Nîştimanî ya Kurdistan`ê (YNK) PUKMEDIA hatiye şandin ragihand ku, şandiyê teybetê yê Neteweyên Yekgirtî bi mebesta pêşkêşkirina hevkariyên ji bo Komisyona Bilind ya Serbixwe ya Hilbijartinên Êraq`ê di piroseya Hilbijartina Parlemana Kurdistan`ê de sardana Civata Nûneran kir.

Di daxuyaniya firaksyona Yekîtî ya Nîştimanî ya Kurdistan`ê (YNK) de hatiye, me wek nûnerên firaksyonê ji wan re behsa girîngiya encamdana Hilbijartina Parlemana Kurdistan`ê kir û me piştrast kir ku baweriya me bi ezmûn û şiyana Komisyona Bilind ya Serbixwe ya Hilbijartinên Êraq`ê heye ku dikare bi başî hilbijartinê birêve bibe, hevdem ezmûnek me ya tal jî digel Komisyona Hilbijartinên Kurdistan`ê hebû, jiber ku yasaya komisyon û yasaya hilbijartinê li Kurdistan`ê xizmetek paqij û bê kêmasî ne kiriye.

Nûnerayetiya Yekîtî ya Nîştimanî ya Kurdistan`ê (YNK) got: Me daxwaz ji Şandiyê Neteweyên Yekgirtî kiriye ku, pêwîste Neteweyên Yekgirtî roleke wê çalak di biserxistina piroseya Hilbijartina Gera Şeşem ya Parlemana Kurdistan`ê de hebe.

PUKMEDIA