Endamekî fraksiyona YNKê daxwaza petrol û benzînê bo Herêma Kurdistanê dike

Rûpela Taybet ya Dr. Biryar

Dr.Biryar Reşîd û Wezîrê Petrolê yê Iraqê

Parlamenterekî Hikûmeta Herêma Kurdistanê daxwaza benzînê û petrolê bi nirxê kêm ji hikûmeta Iraqê kir û ragihand: “Soza ji me re  hatiye dayîn ku dê daxwazên me pêk bên.’’

Endamê Fraksiyona YNKê li Parlamentoya Iraqê Biryar Reşîd ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand:’’Me bi wezîrê petrolê yê federal re hevdîtin kir û di dema xwe de daxwaza gaz û benzînê bi nirxê yarmetîdana Herêma Kurdistanê me kiribû.’’

"Piştî gelek gotûbêjan, soz ji me re hat dayîn ku em her du daxwazên xwe ji bo petrol û benzînê bi bihayên yarmetîdar pêşkêşî Encumena Wezîran bikin û ji bo erêkirinê li wir piştgirî bikin." Biryar Reşîd got.

PUKMEDIA