Komeleya xwendekaran bi formeke nû hate vekirin

PUKMEDIA

Komelaya xwendekaran

Nûnerê serok Yekîtiya Niştimanî ya Kurdistanê bo karûbarên xwendekaran Aran Xefûr di hevpeyvîneke taybet de ligel malpera PUKMEDIA ragihand: Di heyama du rojên borî de zêdetirî 5 hezar xwendekar daxwaza endamtiya komeleya xwendekaran kirine û armanca me jî xizmetkirina xwendekaran û avakirina peywendiyan di navbera zanîngeh û peymangehên herêm û cîhanê de ye.

Nûnerê Serokê YNKê yê bo karûbarên xwendekaran jî got: Em dixwazin xwendekar bibin navenda xebat û çalakiyên me û di vê çarçoveyê de rêberan biafirînin û em ê di her du beşên perwerdeyê û xwendina bilind de bi sê cureyên endamtiyê xizmeta xwendekaran bikin.

Naveroka hevpeyvînê

Awayê nû yê endambûna Komeleya Xwendekaran çawa ye?

- Berê endamên me bi formên destî tevlî komeleya xwendekaran dibûn, lê niha ji ber pêşketina teknolojiyê û bikaranîna wê me formek elektronîkî çêkiriye û yên ku dixwazin dikarin bi hêsanî xwe bigihînin formê û tijî bikin û bibin endamê komeleya xwendekaran ku bê guman ew dateyan diçin sîstemeke parastî ku ji Zaxoyê heta Xaneqînê hemû xwendekar dikarin bibin endamên komeleya me, paşê ew xwendekarên ku bûne endam dê bi fermî forma ofîsa rêxistinê ji wan re tên dagirtin.

Çend cureyên endamtiya komeleyên xwendekaran hene?

Di komeleya xwendekaran de sê cureyên endamtiya me hene, hinek ji wan xwendekar in û tenê dibin endam û piştgiriya manewî didin komeleyê di wê demê de komalge jî ji wan re piştevane. Hin xwendekarên din ên ku dibin endam jê re dibêjin endamên çalak û ev endam bi awayekî aktîf bi komeleya me re têkildar in, di heman demê de cureke din a endametiya me jî heye ku jê re dibêjin derçû, eendamên piştgirî û dikarin bi fikir, rexne û pêşniyaran beşdarî komeleyê bibin û em ê fikrên wan veguherînin projeyan û ti sînor ji xebatên me re tune ye.

Ji bo endametiya Komeleya Xwendekaran merc çine?

Ti mercêk hizbî nine ku xwendekaran neçar bike hizbî be, balam merce temenê endam ser 16 saliyê be û em ti cudahiyê naxin navbera netewe, ol, mezheb, cihê niştecihbûnê û rengê endamên xwe.

Armanc û stratejiya komeleyê çi ye?

- “Armanca me ew e ku di navbera zanîngeh û peymangehên herêmê de bi zanîngehên cîhanê re têkiliyeke xurt pêk bînin, da ku pevguhertina zanyariyan di navbera wan de çêbibe, her weha yek ji armancên me yên din jî ew e ku em di nav xwendekaran de rêberan perwerde bikin, em di wê baweriyê de ne ku navenda komeleya xwendekaran xwendekar bi xwe ye û her tiştê ku tê kirin ji bo xatirê xwendekar e.

Bi çi sîstem pêwendiyên xwe bi zanîngeh û peymangehan re berdewam dikin?

- Piştî aktîvkirina komeleya xwendekaran biryar da ku di her zanîngeh û beşê de nûnerek hebe û bi rêya vî nûnerî em ê di warê maddî û manewî de heta di warê rêveberiyê de jî piştgirî bidin xwendekaran, ev ji bo ku xwendekar ji bo pêkanîna xebatên xwe yên zanistî, hunerî û werzîşî û ramanên xwe di projeyan de vekirîtir bibin.

Heta niha çend endamên nû tevlî komeleya xwendekaran bûne?

- Di du rojên borî de û piştî aktîvkirina lînka forma elektronîkî, heta niha zêdetirî 5000 xwendekaran forma endamtiya elektronîkî tiji kirine û daxwaza endamtiyê kirine, ku ev yek jî nîşan dide ku xwendekar bi dilxwazî ji bo pêkanîna xizmet û çalakiyên xwe rastî hilbijartine.

Lînka forma endametiya Komeleya Xwendekarên Kurdistanê

PUKMEDIA