Berdevkê YNK: Hilbijartin giranî û pêgeha Herêma Kurdistanê diparêze

PUKMEDIA

Berdevkê YNK Seidî Ehmed Pîre

Berdevkê Yekîtiya Niştimanî ya Kurdistanê tekez kir ku proseya hilbijartinan yek ji encamên xweş ên ezmûna demokratîk a Herêma Kurdistanê ye.

Seidî Ehmed Pîre di gotarekê de ku wêneyek jê gihîştiye destê PUKMEDÎ'yê, got: Mixabin niha em dibînin ku hewl tê dayîn proseya hilbijartinan têk bidin û li şûna wê yek alî û yek partî û takekesî were danîn, em hemû li bendê ne ku ezmûna demokratîk û pevguhertina hêzê li ser bingehên demokratîk pêş bikeve.

Got jî: Ez bi zelalî dibêjim, welatên cîhanê bi taybetî hêzên mezin ji serkirdeyên hindek partî zêdetir li ser serkeftina ezmûna demokrasî li Herêma Kurdistanê baldarin û ne di astê wî baldariyê de ne. Gelek caran hilbijartinên Parlamentoya Kurdistanê hatin paşxistin, ti hincet tinebû û ev mijar welatên dostên me nîgeran kir û her carê jî wan welatan tekezî li ser pêwîstiya lidarxistina hilbijartinên şefaf û dadmend kiriye.

Peyvdarê fermî got: Yekîtiya Niştimanî ya Kurdistanê li gor nêrîna xwe ya ji bo pêşxistina ezmûna demokratîk, hilbijartinên Parlamentoya Kurdistanê baştirîn derfet ji bo nûkirina desthilatdariyê li Herêma Kurdistanê dibîne, ji ber ku hilbijartin gelek girîng û pêwîst di vê rewşa niha ya dijwar de.

Got jî: Hilbijartin ji cîhanê re îsbat dike ku em xelkên zindî ne û em ji demokrasiyê hez dikin û ji vir de ez dibêjim ku çavê cîhanê li hilbijartinên bê yên parlamentoya Kurdistanê ye, lewra divê em hemû kar ji bo serkeftina proseyê bikin bi birêvebirina kampîna hilbijartinan a aram û aştiyane û dûr ji alozî, ji ber wê jî divê em hilbijartinan bikin û parlemanek ku li go rasta daxwazên gelê me be hilbijêrin,ku baweriya welatiyan bi dest bixe, giranî û pêgeha Herêma Kurdistanê li ser asta cîhanê biparêze.


PUKMEDIA