YNKê: Em parlamentoyeke bi bandor dixwazin

Kurdistan 03:12 PM - 2024-08-21
Dara Xeylanî û Dr.Torkild Bigg Ofîsa Pêwendiyên Derve ya YNKê

Dara Xeylanî û Dr.Torkild Bigg

Pêyiwendiyên Dîplomasî

Berpirsê Pêwendiyên Derve yê Yekîtiya Niştimanî ya Kurdistanê (YNK) dibêje: "Em dixwazin di pêşerojê de parlamentoyeke bihêz hebe ku bibe çavdêrekî bi bandor li ser karê hikûmetê û hilbijartinan bi cidî digrin û serketinê dixwazin.’’

Roja çarşem 21/8/2024  Dara Xeylanî endamê Serkirdayetî û Berpirsê Pêwendiyên Derve yê Yekîtiya Niştimanî ya Kurdistanê (YNK) pêşwaziya Berpirsê Ofîsa Peywendiyên Yekîtiya Ewropayê li Hewlêrê Dr.Torkild Bigg kir.

Piştî guftûgokirina rewşa siyasî ya Herêma Kurdistanê, Iraq û navçeyê, her du aliyan tekezî li ser şeşemîn rûniştina hilbijartinên Parlamentoya Kurdistanê kirin, ku biryare roja 20ê Cotmeha îsal birêve biçe.

Dara Xeylanî amaje bi giringiya hilbijartinan kir ku YNK bi bernameyeke berfireh dixwaze parlamentoyek bihêz û bibandor li Herêma Kurdistanê hebe ku bibe çavdêrekî bi bandor li ser hikûmetê û bernameya karê wezaretan.

Li hember de jî Dr.Torkild Big Berpirsê Ofîsa Peywendiyên Yekîtiya Ewropa li Hewlêrê hêvî xwest ku kempînên hilbijartinan bi awayekî aştiyane birêve biçe û herwiha balkişand li ser girîngiya demokrasiyê di civakê de ku yek ji prensîbên demokrasiyê ye.

 "Yekîtiya Ewropayê girîngiyeke mezin dide hilbijartinan û hêviya serkeftinê ji wan re dixwaze."Wî got

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket