Sedemên paşxistina şandina mûçeyan ji Bexdayê tên eşkerekirin

Aborî 01:16 PM - 2024-08-21

Diravên Êraqî

Wezareta Darayî ya Hikûmeta Herêma Kurdistanê sedemên paşxistina mûçeyên meha Tîrmehê ji aliyê Bexdayê ve eşkere kir ew jî ku navên dubare yên li ser mûçeyê û nebûna biyometrîkê ji bo hin navên ku lîstê de hene û pirsgirêka mûçeyên mamosta û karmendên perwerdeyê yên Kerkûkê û zêdekirina pereyê ku ji bo mûçeyê meha Tîrmehê li gorî meha Hezîranê hat xwestin.

Nebûna tewtîn mûçeya karmendan rawestand

Sedemeke din a paşxistina mûçeyên meha Tîrmehê (7) jî Dr. Biryar Reşîd Endamê Lijneya Aborî ya Parlamentoya Êraqê ji PUKMEDIA re got: Nebûna tewtînê û cîbicînekirina biryarê dadgeha federal sedemeke din a paşxistina şandina mûçe ye, ku biryara Dadgeha Federalî zelal e û divê hemû karmendên mûçe li yek ji bankên federal bên tewtînkirin.

 Darayiya Herêmê: Pêwîst nedikir ku mûçe were rawestandin

 

Di daxuyaniyeke wezareta darayî ya hikûmeta harêmê de hatiye: Derbarê dubarebûna navên karmendan di navbera Herêm û Bexdadê de, piştî lêkolînan hat dîtin ku ev nav ti kêşeyên qanûnî nînin û piraniya wan li gorî yasayê karmend in û dosyeyên wan temam in, lê li hikûmeta Êraqê sûdmendin ji çavdêriya civakî, yanî li şûna rawestandina mûçe pêwîst bû wezareta darayî ya federal alîkarê rawestanda ne mûçe.

Derbarê nebûna biyometrîka hinek navên di lîsteya mûçeyan de û arastey wezareta darayî ya Êraqê hatiye kirin, darayiya Herêmê ev yek xistiye rû ku: Me berê ji Wezareta Darayî ya Federal re ragihandibû ku ji ber sedemên curbecur proseya biyometrîk 100% ji bo karmendên mûçe û xanenîşînê nehatiye kirin,hebûna warisên xanenişîn hene û hinek ji wan li derveyî welat dijîn, baştir bû Wezareta Darayî pişta xwe bi kerta niştimanî ya ku her welatiyekî û karmendekî mûçegir, leşkerî û sivîl li seranserê Êraqê heye, bigirta."

Li gorî ragihandina Wezareta Darayî: Beşek din ji navên ducar di lîsteya mûçeyan de, bi taybet di çend wezaretên Hikûmeta Herêma Kurdistanê de ku yek ji têbîniyên tîma hevbeş e, piştî lêkolîna li gel wezaretan eşkere kir ku nave çaremîn wek hevin lê navên dayîkan û temenê wan cida ne û ti binpêkirin û yasa şikan têde tine ye, lê Wezareta Darayî ya Federal nêt heye bêyî ku vegere Herêma Kurdistanê mûçeyên wan bibire, di vê navberê de pirsgirêka mûçeyên mamosta û xebatkarên perwerdeyê yên li Kerkûkê û ofîsên din ên Kerkûkê ku di destê hikûmeta Herêma Kurdistanê de ne pirsgirêkeke din e ku darayîya Êraqê pê mûçe rawestandiye. Ev pirsgirêkeke kevin e ku ji sala 2003an ve berdewam e û heta niha jî weke pirsgirêk di navbera Herêma Kurdistanê û Bexdayê de maye û pêwîstiya wê bi çareseriyeke bingehîn ango rêkeftineke siyasî heye.

Encumena Wezîran dê li ser paşxistina mûçe gotûbêj bike

 

Ev jî di demekê de ye ku îro çarşemê civîna encumena wezîrên hikûmeta herêma Kurdistanê birêve diçe, çend  xal ku pêwendî bi paşketina mûçeya meha 7 yê karmendên Herêmê heye û gotûbêj li ser tê kirin ku li gor ragihandina hikûmeta herêmê di nav yek ji xalan de ye. Encamên komîteya kontrolê ya hevbeş a her du dîwana çavdêriya darayî yên federal û herêmî, ji bo sê mehên yekem a sala 2024an li ser dahat, lêçûn, milk, tomarkirina biyometrîk û hejmarên kar ên yekgirtî û pêşkêşkirina pirsgirêk, çareserî û pêşniyaran dê bêne gotûbêj kirin.

Herwiha di xala duyem de, karên komîteya hevbeş a di navbera Hikûmeta Herêma Kurdistanê û Hikûmeta Federal de, li ser pêkvejiyana rêkarên darayî, ji bo yekxistina yasa, rêzikname, rênima û prosedurên têkildarî darayîya giştî û sîstema hesabdayînê, ku niha li gorî yasaya Rêveberiya Darayî ya Federal a hejmar 6 a sala 2019 li Êraqê hatiye rêkxistin, dê were gotûbêjkirin.

 

PUKMEDIA