Talebanî û rêheval Ebûbekir: Divê her kes zêdetir xizmeta Silêmaniyê bike

Ofîsa Çapemeniyê ya Qubad Talebanî

Cîgirê serokwezîr;Parêzgarê Silêmaniyê

Cîgirê Serokwezîr Qubad Talebanî pêşwaziya Parêzgarê Silêmaniyê  rêheval Ebûbekir kir û  di civînê de rewşa xizmetguzariyan li parêzgeha Silêmaniyê û çawaniya cîbicîkirina biryarên Encûmena Wezîran derbarê parêzgeha Silêmaniyê hat gotûbêjkirin.

Di civîna roja 14.08.2024ê li civata wezîran de, cîgirê serokwezîr pesna Dr. Rêheval Ebûbekrî got ku ew hertim hewl daye ku xizmeta hemwelatiyên parêzgeha Silêmaniyê bike û bi nerîneke vekirî û berpirsane pirsgirêkên wan çareser bike, li hember de jî parêzgar spasiya Qubad Talebanî kir ku di hemû qonaxên kar û barên kar de û çareserkirina pirsgirêkên îdarî yên parêzgeha Silêmaniyê de , piştgiriya wî kiriye.

Di beşeke din ya civînê de biryarên Serokatiya Encumena Wezîran derbarê parêzgeha Silêmaniyê de hatin gotûbêjkirin, her du alî li ser wê yekê hevdeng bûn ku pêwîste hemû aliyên pêwendîdar bi hev re hevkarî û hemahengiyê bikin da ku di zûtirîn dem de biryaran bi cih bînin û bi awayekî ku xizmeta welatiyên parêzgeha Silêmaniyê bike.

PUKMEDIA