Kurd û Kerkûk û Pêkvejiyan

PUKMEDIA

Dawud Çîçek

Bi hilbijartina serokê lîsta (Kerkûk hêz û vîna meye) wek parêzgar (walî)yê nû yê bajarê Kerkûkê di çarçoveya mafên demokratîk û netewî ya Yekîtikya Nîştîmanî ya Kurdistanê YNK`ê, dawiyê li heft salên tejî êş û azar û ne wekheviya di rêvebirina wî bajarî de tîne, ku ji aliyê parêzgarekî bi wekalet dihat birêve birin çi ji siyaseta bi erebkirinê û siyasetên dijayetiya kurd û koçkirina kurdan û cîbicîkirina siyaseta guherîna demokratîk li ew bajarê Kurdistanî.

Di heft salên borî de xelkê Kerkûkê li hemberî wan siyasetên çewt ya rêveberina parêzgarê berê a wî bajarî ve dinalî û jiber wê jî di hilbijartinên encûmena parêzgehên Îraqê û di nav de parêzgeha Kerkûkê de, gelê Kurd ji wan siyasetên bi erebkirinê û guherîna demografiya bajarê xwe re gotin; (NA) û hemû rijîne ser sindoqên dengdanê û (lîsta Kerkûk hêza û îradeya me ye) bi serokatiya YNK`ê bû yekemîn. Bi wê yekê gelê Kurd û Kerkûkiyan peyama xwe gîhandin û gotina xwe kirin û îsbat kirin ku Kerkûk Kurdistanî`ye.

Bi hilbijartina Kurdekî ku namzetê YNK`ê bûye wek parêzgarê Kerkûkê hemû pilan hatine vala derxistin ku dixwestin Kerkûkê ji destê Kurdan derxînin û berdewamiyê bi siyasetên erebkirin û tirkkirina Kerkûkê bidin.

Serkeftina Kurd wek parêzgarê Kerkûkê serkeftina hemû kurdan û kurmanca ye li her çar parçeyên Kurdistanê û dunyayê û hemû kurdekî welatparêz bi vê serkeftinê şa dibe û piştevaniya xwe nîşan didin. gelê Kurd di wê baweriyê de ye ku Kerkûk qudsa Kurdistanê ye û parastina wê jî bi erkê xwe dizane.

Piştî azadbûna Îraqê û bûna (Mam Celal Talebanî) bi serokomarê Îraqê, Kerkûk ji siyasetên erebkirinê û guherîna demografiyê û neheqiyê rizgar bû, siyaseta pêkvejiyanê û biratiyê û beşdarbûna hemû pêkhateyan (Kurd, Ereb, Tirkuman, Keldan û Aşûrî) hate cîbicîkirin û li ser bîngeha siyaseta Mam Celal xizmeta Kerkûkê hate kirin, ku bû nimûneyek ji bo hemû Îraqê, îro jî Bafil Celal Talebanî serokê YNK`ê li ser heman rêbaza bavê xwe dimeşe û soza wê yekê dide ku xizmeta Kerkûkê û Kerkûkiyan bê kirin bi bê cudahî û Kerkûkê avadan û geşedan bikin daku Kerkûk bibe nimûneya pêkvejiyanê û birayetiyê.

Belê, bi hilbijartina parêzgarê Kurd jî Kerkûk kete destekî ewle ji bo nirxên hêja û dîsa bibe sembola kurdbûnê. Serkeftina Kurd li Kerkûkê, serkeftina Kurd li Amed, Mihabadê, Qamişlo û Kobanê ye.... bi hêviya serkeftinê li Efrînê ..

Pîrozbe li gelê Kurd û Kurdistaniyan û li xelkê Kerkûkê bi taybetî ev serkeftina mezin ku bi dest aniye û hêviya jiyaneke azad û geş bo wan dixwazim.

PUKMEDIA/ XELAT